WASHINGTON DC – UMongameli waseMelika uMnu Joe Biden uthi ukholwa ukuba usowabo weleRussia uMnu Vladimir Putin ulahlekelwe yisithunzi futhi usele emdambiyana kulandela ukuhlamukelwa kwakhe libutho elizimeleyo eleWagner Group.
Ibutho leli likhokhelwa ngumngane kaPutin uMnu Yevgeny Prigozhin njalo beliphatheke empini yaseUkraine lincedisana lebutho likaPutin. Kodwa uPutin uselichithile walihlanganisa lebutho likahulumende wakhe.
UPrigozhin wazise ngempelaviki edluleyo ukuthi wayesehluthune elinye idolobho laseRussia lokuthi wayesekhokhela ibutho lakhe lisiya esigodlweni, iMoscow, ngemva kokukhonona esithi inkokheli yebutho leRussia lalibhombe amasotsha akhe kweleUkraine.
Kodwa uPrigozhin wasuka wahlela esithi kathandanga ukubona kuchitheka igazi, wasesuka eRussia wayaphephela kweleBelarus.
Ekhuluma lentathelizindaba izolo, uBiden uthe lanxa kunjalo, umvukela lo umlimazile uPutin hatshi elizweni lakhe kuphela kodwa emhlabeni jikelele, okungamazwi asekelwa ngohlaziyza ezobusazwe futhi engoweMDC uMnu Den Moyo.
Forum