WASHINGTON - Owayengumongameli wakwele Melika, uMnu. Donald Trump, owetheswa amacala afika phose amatshumi amane – 37 ukhangelelwe ukuba uzamiswa emthethwandana eFlorida namuhla.
Abezindaba abeReuters babika ukuba wetheswa amacala okuphatha okungekho emthethweni amaphepha kahulumende ayimfihlo esesukile esikhundleni sikamongameli.
Amaphepha la agoqela aveza ukusetshenziswa kwezikhali ze-nuclear kanye lokuhlasela eleIran lokunye.
Wetheswa njalo lamacala okuqamba amanga kulandela ukwala kwakhe ukuba ulamaphepha ayimfihlo emzini wakhe.
UTrump wahambisa amanye amaphepha engaketheswa amacala la emapholiseni ensitha – iFBI. Ukhangelelwe ukuba uzaphika amacala awetheswayo.
Ukubotshwa kwakhe sokuzondise abalandeli bakhe abathi ubotshelwa ukuthi ufisa ukuncintisa kukhetho oluzakwenziwa ngomnyaka ozayo.
Abakubandla lama Democrats labanye bathi uTrump ugangile ngakho-ke kumele abotshwe.
UMfundisi Raphael Mthombeni, ohlala eTexas, uthi bekusaziwa ukuba uTrump uzamiswa emthethwandaba.
Forum