VICTORIA FALLS --Ibhanga elikhulu lelizwe eleReserve Bank of Zimbabwe (RBZ), lithi uhulumende akala mcabango wokwethulwa isinqumo sokuthi ilizwe lisebenzise idollar leMelika ngokugcweleyo ngoba lokhu kungadala inhlupho ezinengi ezigoqela ubuyanga kanye lokuvimba intuthuko yomnotho welizwe.
Lokhu kuphume ngosuku lwesithathu lomhlangano wabakumsebenzi wokwemba owe Zimbabwe Chamber of Mines Conference, oqhutshelwa eVictoria Falls, ngesikhathi uzulu we Zimbabwe ekhala ngokuthi akasela themba lemali yamaRTG’s engasamukelwa ngosomabhizimusi abanengi lengatsha ezinengi zikahulumende.
Usibalukhulu webhanga elikhulu lelizwe eleRBZ, uMnumzana John Mangudya uthi lokhu sekubangele ukuba amabhanga aswele imali eyaneleyo yokuthuthukisa umnotho welizwe ngoba inengi selifihla imali ngaphansi kwemiqamelo.
UMngudya uzame ukuchasisa ukuthi kungani umcabango wokusebenzisa i-dollar leMelika kungalungelanga ilizwe, esithi iRBZ isizasungula indlela zokuthenga ngegolide intsha ebizwa kuthiwa yi Gold-Backed Digital Tokens ezasetshenziswa loba emavinkilini.
“Siyaxega njalo kasilamandla njengelizwe ukuthi singasebenzisa imali yeMelika ngokugcweleyo. Akuyenzi, ngakho kufuze siqinisele ebunzimeni lobu singesabi sisayaphambili. Lizabe lithenga lisebenzisa golide lenu, kusitsho ukuba lizathumezelana imali lisebenzisa uhlangothi lwethu.”
Ingcweti ecubungula ezombusazwe uMnumzana Farai Mushoriwa usole okukhulunywa ngabeRBZ esithi akusoze kusebenze e Zimbabwe ngesimo somnotho esikhona elizweni sokuwa kwamandla edola lakuleli nxa liqathaniswa ledola leMelika.
“Kuzabalomthetho wombuso na ozasekela lokhu ngoba asingezake sibelemali entsha ingelasiphawulo sombuso.”
Umbuzo lo ugcizelelwe ngumphathintambo wedale lephalamende uMnumzana Godfrey Dube esithi ilizwe lalisebenzise imali mbolekwa le lize lizimele ngezomnotho.
Umbuzo lo ugcizelelwe ngumphathintambo wedale lephalamende uMnumzana Godfrey Dube esithi ilizwe lalisebenzise imali mbolekwa le lize lizimele ngezomnotho.
"Sihlala sikhuluma ngakho ephalamende ukuthi ngabe iZimbabwe iyasebenzisa idollar leMelika leRand ieconomy ize ibuyele. Kusobala lokho okwenziwa ngu governor ukuthi yikuphikisana lozulu kanye lama Member of Parliament okwesikhathi esifitshane sisalungisa okwangekhaya njalo lokho okwama gold coin akusebenzi kwabasemaphandleni ngoba kwabananothileyo. "
Ingcwethi kwezomnotho, uMnumzana Rejoice Ngwenya uthi uyasekela ukuthi uhulumende asebenzise imali yakuleli, kodwa okwe E-Gold akusebenzi ngoba uzulu omnengi esemaphandleni.
" Abantu abanengi eZimbabwe bahlala emakhaya 60 percent le connectivity kayikho sibi Sama cellphone, akwenzi ukuthi imali ibe ngama E-Coins."
Umnumzana Joel Gabuza ome iBinga edale lephalamende uthi isazatho imali yakuleli uhulumende esithi kayihlale yindlela isetshenziswa ngezinye inkokheli ukweba.
" Wonke umuntu uyazi ukuthi iRTGs ayisasebenzi. Laye uhulumende kasauifuni, kodwa iRBZ iyayisenenzisa ukuthi betshontshe kuhle. Bengaprinta befake kunlack market amabond, bayahuquluza ama US$ ukwenzela ukutshontsha imali yabantwana be Zimbabwe. Akulangenye indlela ongagcina imali engasebenziyo uthi uyayifuna.
Abe RBZ baqina ngelokuthi lokhu kusemthethweni kuziqondiso zabhanga leli kuSection 49 laku 7.2. Igolide lemali leli IRBZ ithi izabe ihlala kuma card ahambelana lawamabhanga njalo lisetshenziswa ngobulembu be internet emavinkilini.
Intengo yempahla ikhuphuke ngezinga eliphezulu kakhulu kusukela kumaviki am always, lokhu kubangelwa yokuqonga kwentengo yokuthenga i-dollar leMelika elilodwa kubosiphatheleni eseliqanse lafika kunkulungwane ezinhlanu zamadola e Zimbabwe – ZW$5000.
Forum