Sokuqhamuke umkhuhlane weqhuqho lamaqhubu ezifuyweni osubulele inkomo zabahlali besinqintini seMangwe leKezi.
Abafuyi benkomo abanengi bathi sebehlalela evalweni besesabela izifuyo zabo ukuthi zizaqedwa yilumkhuhlane.
Zikhala ezimathonsi izakhamizi ngokulahlekelwa yisifuyo ikakhulu inkomo ngenxa yalumkhuhlane.
UMnu. Bhunu Ndlovu, wakoNhlupho eKezi, obelenkomo ezinengi, uthi isibaya sesivalwa.
"Ezinye zatshontshwa ende ngilomnyama khathesi sengisele le 2. Ezinye khonapha ezingu 2 zonezi vele ziyaqhuqha akuthembisi ukuthi zizaphila. Umkhuhlane we Lumpsten inkomo uyazibona ziphonguphuma amapundupundu, yi Lumpskin yonaleyi ezinye ziphonguzifela ungakwazi ukuthi umuhlane wangkhona yiwuphi."
UMnu. Sikhwili Moyo, weKhalanyoni eMangwe, laye udabukile.
"Bengilenkomo ezingu 7, ezintathu zafa ngalowumkhuhlane wokuqhuqha lo owe Lumpsum. Khona unyaka lo odluleyo kube le drought ngilahlekelwe futhi ngezinye inkomo, angisakwazi ukuthi ngenzeni."
USobhuku Innocent Ncube, weMambale esigabeni senduna uBango, uthi inkomo ziphelile emangweni ngomkhuhlane woqhuqho.
"Ziyafa kakhulu inkomo asisela, imkhuhlane eminye ade siqala ukuyibona khona lokhu okuthiwa yi lumpskin, eninye yakhona loba kungasolo okuthiwa yi lumpskin ubona nje inkomo isifa ayi I veterinary lapha ikhatshana kakhulu. Engage ngakuthola yikuthi I veterinary ayiwazi ngabe bayayazi nga kulomuthi wakhona.
Umkhuhlane we Lumpskin uvame ngesikhathi sezulu kodwa uyahlasela inkomo lanxa kuqanda.
UDokotela weyamazana lezifuyo, uDokotela Ndabezinhle Mkhwananzi, osebenzela ugatsha luka hulumende olwe-veterinary services, uthi inkomo ehlaselwe ngumkhuhlane lo iba lamapuntupuntu emzimbeni.
"Umkhuhlane lowu ngumkhuhlane ohlasela inkomo, ubangela ukuthi zibe lamaqhubu ngokuyakwesikhathi. Nxa usaqalisa kodwa kuyabe kungela maqhubu kuyaba lokuthwa esithi yi-fever ihigh temperature, ibeyisithutha inkomo ukuyamila ingathi kuyama lokudla iqalise ukwehluleka ukudla. Ngokuya kwesikhathi sokuqalisa amaqhubu, amaqhubu abakhona umzimba wonke nje kumbe abe phambili ngapha but ayakwanisa ukuthi abe phambili ngapha and lapho iyabe i serious inkomo ingehluleko ukudla icine isifa."
Uyaqhubeka esithi imbangela kanye lokuthi umlimi nxa ehlaselwe angawuphatha njani.
"Umkhuhlane lo ubangelwa ligcikwane le virus ebangela umkhuhlane lo, ngingathi mabili ama virus akhona. Igcikwane lakhona linilezwa ngama biting insects, anjengama mosquito, okulumayo ngesikhathi engani kuyatshisa. Uma uthe usuqhamukile umkhuhlane lo ezigulayo ziyelatshwa, ziyelatswa nge antibiotic enjenge penicillin.
Abafuyi bakulumhlubulo bathi akula mahofisi ohlangothi lwabodokotela abelapha inyamazana lezifuyo awe veterinary services aseduze lalapho abahlala khona ukuthi basizakale ngokujovwa kwezifuyo zabo ukuthi zivikeleke emkhuhlaneni ehlasela izifuyo njalo lamadibha kawasekho endaweni ezinengi zelizwe.