Amabandla ezombusazwe athi amalungiselelo okhetho olukhangelelwe ukuqhutshwa lonyaka asesemaphethelweni njalo ikhomishini ebona ngokuqhutshwa kwalo eyeZimbabwe Electoral Commission ithi abantu bekhumbule ukuthi bayenelisa ukubhalisela ukuvota eziqintini zabo loba yisiphi isikhathi kuze kwedlule amalanga amabili kumenyezelwe ilanga lokhetho.
Ibandla leCitizens Coalition for Change lithi liphakathi kohlelo lokukhetha abazancintisa kukhetho njalo eleZANU PF seligqibile loluhlelo.
Ukuhlaziya loludaba sixoxa loMnu. Mqondisi Moyo, umkhokheli webandla leMthwakazi Republic Party kanye loMnu. Kudakwashe Munsaka yena ozancintisa kukhetho lokudinga ozamela iBinga North edale lephalemende emele ibandla leZANU PF.
UMnu.Moyo usungula lingxoxo.
