Uhulumende weleMelika usechothoze inkulumo ebeziphakathi kukamongameli wele Russia, uMnu. Valdymyr Putin loMongameli wele China , uMnu. Xi Jinping ezenziwe ngomvulo layizolo.
Lezinkulumo zibikwa zicande umhlahlandlela wokuletha ukumiswa kwempi kwele ukraine.
Kodwa umphathintambo wezobudlelwano lamanye amazwe uMnu. Anthony Blinken uthe leli liqhinga nje lika Putin ofuna ukuqhubeka ehluthuna indawo zeliwe le ukraine.
Uthi inkulumo zika xi lo putin ziza ngemva kokuba umthethwandaba we ICC unqume ukuba uPutin kumele abotshelwe amacala okwenza umbhuqazwe kwele Ukraine.
Kolunye udaba ukuwiselwa elwandle okwenziwe indizamtshina yelemelika ngeze russia ngeviki edluleyo kukhweze ukufuthelana phakathi kwamazwe womabili la.
Ukuhlaziya loludaba sixoxe lolendala ezombusazwe weleMelika, uMnu. Mkhululi Ndabambai.
