Amabandla ezombusazwe aphikisayo, athi udubo lwabantwana abathatha izidakwamizwa elizweni, zibangelwa ngumnotho welizwe ongamanga kuhle, ethi kumele ulungisiswe. Amabandla agoqela ele CCC, MDC-T, ZAPU le MRP athi kumele kube lendlela zokulungisisa loludubo.
Lokhu kuza ngesikhathi udubo lwezidakwamizwa solusabalele okwethusayo okwamagama, e-Zimbabwe yonke jikelele. Abamandla aphikisayo athi isimo somnotho oselizweni yiso esesibangele ukuba udubo lwezedakamizwa lumemetheke ngale indlela.
Umsekeli wesikhulumeli se-CCC uMnu. Gift Siziba uthi kumele kuqiniswe imithetho yokumelana laloludubo.
“Udubo lwama-drugs lubangelwa yisimo esiselizweni. Abatsha bavukela emabrijini. Nxa uMongameli esengenile sizabona ukuba sibe lomthetho oqinileyo”
Lokhu kusekekelwe yisikhulumeli sebandla le-MDC-T uMnu. Witness Dube.
“Akulani lomnotho ukuba umi njani. Sike saba lomumo omubi kakhulu. Kutshengisa ukuba uhulumende akanaki inhlalakahle yabantu.”
Isikhulumeli se-ZAPU uMnu. Msongelwa Ndlovu uthi zinengi izizatho esezidala ukuthi abasakhulayo bazibone sebebanjwe ngumjibila wokuphila ngokusebenzisa izidakamizwa.
“Okwenza abantwana benze lokhu yikuswela okukwenza ngoba akula misebenzi. Abezombangazwe basebenzisa abantwana ukwenza lokhu”
Umsekeli womkhokheli we-National Constitutional Assembly (NCA), uNkosikazi Hingani Mnkandla uthi njengebandla bazimisele ukusebenza lohulumende ukulwisana lodubo lolu.
“Thina sibona engani kumele wonke umuntu kumele asebenzi lohulumende ukuze udubo lolu luqedwe. Kufuze uzulu abambane ukuze silwisane lalo”
Isikhulumeli sogatsha lwezemfundo uMnu. Taungana Ndoro uthi kumele uzulu asebenzelane lohulumende.
“Udubo lolu lukhona kodwa lutholakala lapho esilahlala khona. Sibona engani kumele uzulu ancedisane ukuze abantwana bengenzi lokhu”
Uhulumende uthi ngokunanzelela ukusabalala lokukhula kwalolu dubo lwezidakamizwa, usesungule inhlelo lemikhankaso yokulimukisa uzulu ngengozi ezidalwa yikuthatha loba ukuthengiswa kwezidakamizwa elizweni. Kunje amapholisa athi asebophe abantu abaphezu kwenkulungwane ezimbili - 2266 elizweni jikelele, abafunyenwe bethengisa kumbe besebenzisa okudakayo, kumkhankaso osanda kusungulwa.
Kungalesi sizatho zokukhula kwalolu dubo uhulumende athi useqoqe umhlangano omkhulu wabasakhulayo oweNational Youth Indaba ozaqhutshwa kunanzwa usuku olwe-National Youth Day ngeviki ezayo eLupane.
Abasakhulayo abedlula inkulungwane ezinhlanu-5,000, abavela ezigabeni zonke zelizwe, bakhangelelwe ukuthi gwaqa emhlanganweni ozabukhokhelwa nguMongameli Emmerson Mnangagwa, behlaziya lokudinga amacebo okwenqabela ukusetshenziswa lokuthengiswa kwezidakamizwa, osokubhahile elizweni.
