BULAWAYO - Umfundi weHamilton High School oleminyaka elitshumi lasithupha usemiswe eBulawayo Tredgold Magistrate Court esetheswa icala lokubulala umfundi weFounders High School, uWayne Ndlovu, obesenza izifundo zika Form 4.
Umfundi lo, obikwa egwaze wabulala uWayne Ndlovu ongaqanjwa ngebizo ngoba umthetho usithi usasemncane, umiswe phambi kuka Mantshi uNkosikazi Nomagugu Maphosa ngoLwesithathu lapho achasiselwe ngecala abhekane lalo.
Umfundi lo kaphiwanga ithuba lokuvuma kumbe ukwala icala abhekane lalo.
UMantshi Maphosa utshele igqwetha lakhe, uMnu. Prince Bhutshe Dube, ukuba ulakho ukulobela idale leHigh Court ecela ukuthi ahlawule isibambiso se-bail ukuze athonisiswe esuka ngekhaya.
Imuli kaWayne, izihlobo labangane bathi bakhathazekile ngokubhubha kwakhe. Unina kamuyi uNkosikazi Nomatter Ndlovu uthe, “Kubuhlungu ukufa komntanami kodwa ngikhathazekile ngabafundi lababalisi ngoba sekunzima lakubo.”
UArnold Nyoni, obefunda loWayne onguye njalo obezama ukumlamulela ekuhlukuluzweni ngosakhulayo ocine emgwaza, udane okumangalisayo ngesehlakalo lesi.
“Ngilusizi ngengihlangane lakho ngoba lababantu ababulele umngane wami bayaziwa ngodlakela kumaviki amabili bangitshayile …”
Isikhilumi sogatsha lwezemfundo, uMnu. Taungana Ndoro, uthi ulusizi ngengozi eyehlele ezinye zezikolo zabo.
“Sizaqhuba icounselling kubafundi abangene kulingozi lalabo ababone lokhu kusenzakala njengenhlalayenza esiyenzayo kuzozonke izikolo kungaba lengozi.”
Isikhilumi samapholisa koBulawayo, uAssistant lnspector Nomalanga Msebele, uthi sebenanzelele ukuthi udubo lodlakela lokuhlukuluzana kwabantwana besikolo lokhu luqela. Kunje babheke ngelihlo lokhozi ezikolweni lapho lolu dlakela olubhahe khona kakhulu, ezigoqela iHamilton High School, iGifford, iMilton, Msiteli lezinye.
“Abazali lababalisi sekumele bahlole abafundi ukuba abalazikhali ngesikhathi besiya lalapho sebesesikolo kumbe bephuma ukuze udlakela lwehle olukulimazana lokubulalana.”
Umuyi uyabekwa ngoLwesihlanu koBulawayo njalo abantu babuthene esililweni elokitshini leMganwini kunombolo ethi 2345.