Ingcitshi zokwethulwa kwezindaba zithi imisakazo ilakho ukwenza kube lokuthula lokubambana elizweni ikakhulu ngesikhathi sokhetho lapho olukhangelelwe ukuqutshwa elizweni lonyaka.
Lokhu kuza ngesikhathi eleZimbabwe limanyana lamazwe womhlaba ukunanza ilanga le World Radio Day.
Ilanga leWorld Radio Day labekwa yihlanganiso yomanyano wamazwe womhlaba eye United Nations, njengendlela yokunanza umsebenzi omuhle owenziwa yimisakazo ukusabalalisa ulwazi kanye lemibiko eqakathekileyo.
Ingcitshi kwezombusazwe zithi kumele intathelizindaba labanikazi bemisakazo benanzelele ukuba umsebenzi abawenzayo ulakho ukuphehla udlakela loba ukuthula.
Omunye walabo abakhuthaze imisakazo ukuba iqakathekise ukukhipha imibiko eletha ukuthula ngesikhathi sokhetho ngu mgcinisihlalo wehlanganiso yabahleli eyeZimbabwe National Editors Forum, uNjabulo Ncube.
“Silakho ukusebenzisa umsakazo ukukhuluma ngokuthula elizweni ikakhulu ngesikhathi sokhetho. Kuqakathekeile ukuba abasakazi bakhulumisane labezombusazwe ngokukhuluma amazwi okuthula."
Lokhu kusekelwe ngeinye intathelizindaba uNonhlanhla Ngwenya othi kuqakathekile ukuba intatheli zingethuli indaba zeyamele icele.
“Kuqakathekile ukuba imisakazo isetshenziswe ukuphehla lapho okulodlakela khona. Imisakazo iqakatheke kakhulu ukuze kube lokuthula ngesikhathi sokhetho.”
John Masukuqoqa umkhosi oweWorld Radio Day owakhethwa ukuba ngumqondisi wenhlelo eziphathelane lomsebenzi wemisakazo enhlanganisweni yomanyano wamazwe womhlaba eye United Nations, uthi lelilanga kumele lifundise uzulu ukuqakatheka ko msakazo ekulondolozeni ukuthula.
“Lonyaka sithi thina umsakazi lokuthula. Inhlelo zethu kumele zibe ngezakhaa umhlaba ukuthi babe lokuthula. Ilamnga leli kumele lisimanyanise njengabantu emhlabeni wonke.”
Omele inhlanganiso yomanyano yemisakazo yezigaba eye Zimbabwe Association of Community Radio Stations, uMnu Jerry Zingwevu, uthi kumele imisakazo isebenzise indlela zakulezi nsuku ukuze ihambelane lesikhathi.
“Siyaqhubeka sisekela imisakazo ukuze isinikeze ukuthula kuleli. Imisakazo ngeyinye yezindlela engancedisa ukunikeza uzulu indlela zokutsho okusenhliziyweni zabo."
Umsekeli kamphathintambo obona ngokwethulwa kwemibiko, uMnu Kindness Paradza uthi uhulumende uzimisele ukusekela ukuvulwa kwemisakazo eminengi.
“Uhulumende usekela imisakazo ngoba yithi sodwa esizimiseleyo ukuba kube lokuthula elizweni. Asifuni misakazo ephehla udlakela ngoba uzulu uthembe imisakazo."
Ilanga leWorld Radio Day lonyaka linanzwa phansi kwendikamba ethi Radio and Peace, emkhosini owenzelwa eBeitbridge lapho umphathintambo wezokukhitshwa kwemibiko akhangelelwe ukuvula umsakazo weLotsha FM wona ozabe usakaza ngesiVenda.
Kusukela ngomnyaka ka2020 uhulumende usevule imisakazo yezigaba elitshumi lane, abanye abathi yindlela yokuba usenanzelele ukuqakatheka kwemisakazo ikakhulu eye zigaba ekuthuthukiseni izabelo.