Umeli weZimbabwe kwele South Africa uthi ihofisi yakhe izizilungiselele ukubuyisela inkulungwane zezizalwane zeZimbabwe ekhaya nxa amapermit azo angesulwa ngoNhlangula.
Ekhuluma labezindaba ePretoria lamhlanje, umeli weZimbabwe kwele South Africa, uMnu. David Hamadziripi, uthe uhulumende weZimbabwe usezilungiselele ukwemukela labo abazakhetha ukubuyela ekhaya.
Uthe sebevule ikhasi lebulenjini be internet lapho bonke abafuna ukubuyela ekhaya kuzafuze babhalise kugoqela lokubhala uncedo abaludinga kuhulumende weZimbabwe kuloluhambo.
Ngemva kwaloluhlelo kuzalandela olokuvulwa kwendawo zokubhalisa ezabelweni zonke zakweleSouth Africa.
“Banengi abalamapermit la asebethe bafuna ukuphindela ekhaya. Yibo labo esithi kubo uhulumende weZimbabwe ufuna ukulisiza wozani.”
Umnumnzana Hamadziripi uvumile ukuthi ukubuyela ekhaya lokhu kuzaphazamisa abantwana besikolo.
Uthe uncedo abaluphayo lugoqela ukuphathisa ngamabhasi okuhambisa kulabo abalesidingo esedlulise amalawulo, ukudlulisa impahla zabo emngceleni zingathelanga lokunye.
Ezinye izizalwane zeZimbabwe sezemukele leli nyathelo. Isizalwane seZimbabwe umnumnzana Lizwe Gwebu uthi loluhlelo luzasiza ukuthi asebexotshwa kweleSouth Africa laba babuyele ekhaya ngesizotha.
“Siyakujabulela kakhulu ma kulamaprogrammes angaka ngoba into zabo abalazo bekuzama nzima ukuthi zizahamba njani okunye okuyikho okwenza ukutyhi abantu becine bengahambi ikakhulu okukhulunywa ngabantwana ukuthi kubelenhlelo ezenziwayo ukuthi batransfer abantwana from this side bakwazi ukuthi bangene esikolweni bengahluphekanga. |Sikujabulele kakhulu lokho.
Umnumnzana Butholezwe Nyathi, okhokhela iqembu leBOOTS, elilwela ukuthi abaxotshwayo laba babuyele ngenhlonipho, laye uthi basemukela ngezandla zombili isimemezelo someli weZimbabwe eSouth Africa.
“Ngithanda ukuthi sibonge kakhulu ngomsebenzi lowu owenziwa yigovernment yeZimbabwe through iembassy yayo la eSouth Africa. Thina siyiBOOTS emelele ukuthi abantu babuyele ekhaya isithunzi sabo sikhona hayi ukuthi badeportwe. Siyabonga kakhulu ukuthi iembassy izama ukuthi incedisane lathi ukuthi sikhuthaze abantu bebambisane legovernment.?
Kodwake esinye isizalwane seZimbabwe umnumnzana Jabu Nyathi, uthi lobanje elemukela leli nyathelo, kuyingozi ukubuyisela izinkulungwane zezizalwane zeZimbabwe ekhaya kungalungiswanga izinto ezabaxotsha elizweni.
“Kodwa kulento leyi eyokuthi yini ebangele ukuthi asbantu babaleke emizini yabo. If kuyinto yodlame kufanele ilungiswe because ukuzukusiza ukuthi abantu babuyele bayohlala phakathi kodlame lolu olwenze ukuthi babaleke. If iyinto yomnotho abantu bangazama ukuthi baziphilele but into emele ilungiswe yinto yodlame.”
Kusenjalo udaba lwalabo abaphikisa ukuxotshwa kwabeZimbabwe laba kweleSouth Africa luzangena emthethwandaba ngo Mabasa. Ingcitshi zithi kungenzeka umthethwandaba usesule isinqumo sokuxotshwa kwabeZimbabwe laba, kumbe udlulisele phambili isikhathi sokuxotshwa kwabo kumbe uvumelane lelesi sinqumo.
IZimbabwe Ithi Izimisele Ukubuyisela Ekhaya Abahlala eSouth Africa Abehluleka Ukuthola Amapermits Amatsha
Umeli weZimbabwe kwele South Africa uthi ihofisi yakhe izizilungiselele ukubuyisela inkulungwane zezizalwane zeZimbabwe ekhaya nxa amapermit azo angesulwa ngoNhlangula.
Ekhuluma labezindaba ePretoria lamhlanje, umeli weZimbabwe kwele South Africa, uMnu. David Hamadziripi, uthe uhulumende weZimbabwe usezilungiselele ukwemukela labo abazakhetha ukubuyela ekhaya.
Uthe sebevule ikhasi lebulenjini be internet lapho bonke abafuna ukubuyela ekhaya kuzafuze babhalise kugoqela lokubhala uncedo abaludinga kuhulumende weZimbabwe kuloluhambo.
Ngemva kwaloluhlelo kuzalandela olokuvulwa kwendawo zokubhalisa ezabelweni zonke zakweleSouth Africa.
“Banengi abalamapermit la asebethe bafuna ukuphindela ekhaya. Yibo labo esithi kubo uhulumende weZimbabwe ufuna ukulisiza wozani.”
Umnumnzana Hamadziripi uvumile ukuthi ukubuyela ekhaya lokhu kuzaphazamisa abantwana besikolo.
Uthe uncedo abaluphayo lugoqela ukuphathisa ngamabhasi okuhambisa kulabo abalesidingo esedlulise amalawulo, ukudlulisa impahla zabo emngceleni zingathelanga lokunye.
Ezinye izizalwane zeZimbabwe sezemukele leli nyathelo. Isizalwane seZimbabwe umnumnzana Lizwe Gwebu uthi loluhlelo luzasiza ukuthi asebexotshwa kweleSouth Africa laba babuyele ekhaya ngesizotha.
“Siyakujabulela kakhulu ma kulamaprogrammes angaka ngoba into zabo abalazo bekuzama nzima ukuthi zizahamba njani okunye okuyikho okwenza ukutyhi abantu becine bengahambi ikakhulu okukhulunywa ngabantwana ukuthi kubelenhlelo ezenziwayo ukuthi batransfer abantwana from this side bakwazi ukuthi bangene esikolweni bengahluphekanga. |Sikujabulele kakhulu lokho.
Umnumnzana Butholezwe Nyathi, okhokhela iqembu leBOOTS, elilwela ukuthi abaxotshwayo laba babuyele ngenhlonipho, laye uthi basemukela ngezandla zombili isimemezelo someli weZimbabwe eSouth Africa.
“Ngithanda ukuthi sibonge kakhulu ngomsebenzi lowu owenziwa yigovernment yeZimbabwe through iembassy yayo la eSouth Africa. Thina siyiBOOTS emelele ukuthi abantu babuyele ekhaya isithunzi sabo sikhona hayi ukuthi badeportwe. Siyabonga kakhulu ukuthi iembassy izama ukuthi incedisane lathi ukuthi sikhuthaze abantu bebambisane legovernment.?
Kodwake esinye isizalwane seZimbabwe umnumnzana Jabu Nyathi, uthi lobanje elemukela leli nyathelo, kuyingozi ukubuyisela izinkulungwane zezizalwane zeZimbabwe ekhaya kungalungiswanga izinto ezabaxotsha elizweni.
“Kodwa kulento leyi eyokuthi yini ebangele ukuthi asbantu babaleke emizini yabo. If kuyinto yodlame kufanele ilungiswe because ukuzukusiza ukuthi abantu babuyele bayohlala phakathi kodlame lolu olwenze ukuthi babaleke. If iyinto yomnotho abantu bangazama ukuthi baziphilele but into emele ilungiswe yinto yodlame.”
Kusenjalo udaba lwalabo abaphikisa ukuxotshwa kwabeZimbabwe laba kweleSouth Africa luzangena emthethwandaba ngo Mabasa. Ingcitshi zithi kungenzeka umthethwandaba usesule isinqumo sokuxotshwa kwabeZimbabwe laba, kumbe udlulisele phambili isikhathi sokuxotshwa kwabo kumbe uvumelane lelesi sinqumo.