Ukuncitshwa imvumo okwesikhatshana okwenziwe inkampani zamabhasi ezimbili, kulandela ukuxotshana kwamabhasi ngesiqubu okucine kusiba yingozi kwamukelwa ngabanye kodwa abanye besithi imigwaqo layo kumele iqheliswe.
Abanye bathi alubana imigwaqo iqhelisiwe kwakungasoze kube lengozi eyabulalisa ukhondakithi webhasi.
Kodwa abanye bathi inyathelo likahulumende lizakwenza ukuthi umphathintambo obona ngogatsha lwezokuthwala abantu lempahla, uMnu. Felix Mhona wethule umbiko esazisa umphakathi ukubana usemise okwesikhatshana imvumo yenkampani zamabhasi ezimbili, i-Rimbi Travel and Tours (Private) Limited le Tashllyt (Private) Limited elamabhasi aziwa ngokuthi yi Zebra Kiss, ukuthwala abantu.
Amabhasi la abexotshana emgwaqweni we Nyamapanda – Harare, emangweni we-Mutoko, e-Mashonaland East enye yaze yanqikilina lenye imota ebizimele ecele komgwaqo.
Kulomfanekiso owe video owathathwa ngukhondakitha webhasi yenkampani ye-Rimbi, onguye owabhubha kulingozi.
Livideo itshengisa amabhasi alezinkampani encintisana, exotshana ngesiqubu esikhulu emgwaqweni lo.
Istudio seven kayenelisanga ukuxoxa labanini bamabhasi la.
Ukuhlaziya loludaba, uGaynor Gumede Sayidi we Studio 7 uxoxe loMnu. Thandeko Zinti Mkandla, ocubungula ezombusazwe.
