Inhlanganiso elwela ilungelo loluntu eyeMthwakazi Diaspora ithi luqhubeka kuhle uhlelo lwayo lokudingela ibandla le leCitizens Coalition for Change imali yokusebenzisa nxa likhankasela ukhetho oluzaqhutshwa ngenyanga ezayo olwama by elections kuma ward ayisithupha eBinga.
Izikhundla lezi zadalwa yikuxotshwa umsebenzi kwamalunga ebandla leCCC ngele MDC-T ekhokhelwa nguMnu. Douglas Mwonzora, yena othi abaxotshwayo bathola lezi izihlalo besesekubandla lakhe.
Olunye njalo ukhetho lwama by elections luzaqhutshwa kuma ward amathathu eVictoria Falls leyodwa eGweru.
Lukhetho lokucina kuwonalo umnyaka njengoba inhlanganiso ebona ngalumsebenzi, eyeZimbabwe Electoral Commission yathi akuselazikhundla ezizagcwaliswa ezivuleke ngemva kwelanga lakuqala kunyanga yonale ekaLwezi.
Ukuze sizwe ngomkhansako weBinga, uSithandekile Mhlanga weStudio 7 uxoxe loNkosazana Nokuthula Gwebu, isiphathamandla seMthwakazi Diaspora Forum.