Ibandla le Citizens Coalition for Change lithi sokuqhamuke udlakela eMutoko esigabeni se Mashonaland East, kwathunjwa umkakhe womunye wabancintisayo kukhetho lwe by election oluzenziwa ngenyanga ezayo.
Embikweni owethulwe enkundleni yokuxhumana eye Twitter, lelibandla lithi bekulabantu abathathu kade befuna ukuncintisa ku ward nine kodwa ababili bacina bededela emuva basuka kukhetho ngenxa yodlakela.
Kuthi owesithathu nguye othunjelwe umkakhe ebusuku wathathela isithupha ukuze engenelisi ukuphanyeka igama lakhe emthethwandaba we nomination court obusenziwa izolo.
IStudio Seven yehlulekile ukukhuluma lamapholisa ngaloludaba njalo legama lothunjiweyo asilitholanga ngoba ibandla le CCC lingethulanga amagama amalunga awo.