Izizalwane zeZimbabwe eziphila ngokuthengisa imizimba eJohannesburg zitshele iStudio 7 ukuthi sezisebenzela evalweni ngemva kokubulawa kwabathengisa imizimba abayisithupha, okungabantu abacabangela ukuthi inengi labo ngabeZimbabwe.
Abaphila ngokuthengisa imizimba laba endaweni ezicatshileyo, lemnyameni baphumele egcekeni ngoMvulo betshengisela eJohannesburg Magistrate Court lapho obekumiswa khona okwesithathu owesilisa owetheswa icala lokubulala oyedwa wabesifazana laba. Bathi impilo zabo azisaphephanga ngemva kokubulawa kwabanye babo.
Izidumbu zabayisithupha laba zatholakala kwenye inkampani ekhanda imota sezonakele. Esinye satholakala ebhimu, esinye sitshwathikwe phansi kwezibi ezinye zifihlwe emoteni ezizolungiswa.
Owesifazana weZimbabwe laye owenza lo umsebenzi oingathandanga ukuvezwa igama utshele iStudio 7 ukuthi sebesebenza bethwele amathumbu ngezandla.
“Into esiyifunayo yi justice. It’s traumatizing. I-fear is always there day and night so there is nothing we can do by the workers must work.”
Omunye weZimbabwe njalo utshele iStudio 7 ukuthi abathandabuzi ukuthi inengi lalabo abafileyo yizizalwane zeZimbabwe njengoba kusaziwa ukuthi lo owetheswa icala ubehamba ezingela abeZimbabwe ikakhulu abakhuluma ulimi lweSishona. Kodwake le yinto engazange ifakazwe ngamapholisa labatshutshisi.
Lento eyenzakale lapha ibuhlungu kakhulu ngoba ubulele omama ama-bread winner abantu okufanele basupporte ifamily. Sila ngomsebenzi asikuthanda but yikufuna ukuthi imuli zethu ziye esikolweni bengami emigwaqweni njengathi. Besiphakamisele phezulu ngoba manje Siyakhula sibadala.”
Esinye isizalwane sakweleSouth Africa laso ezingathandanga ukuvezwa sithi uthi akakuzwisisi ukuthi kungani umuntu ezakhetha ukuyabulala abantu beziphandela njengaye wonke umuntu.
Sicele ukuthi uhulumeni asibhekele thina ama sex workers asigurde especially when it comes to amapholisa sicela ukuthi amapholisa asisize.”
Isikhulumeli senhlanganiso yeSisonke National Sexworkers Association umnumnzana Katlego Rasebitse uthi okuzalamulela abathengisa imizimba laba yikuthi bavunyelwe ukwenza umsebenzi wabo ngokusemthethweni.
“Bafanele badecriminalayize isex work. Let the people bay enjoye ifull constitution yecountry”
Umthethwandaba lamhlanje uzwe okunengi ngalowo owetheswa icala lokubulala oyedwa wabesifazana laba. Ngowesilisa oleminyaka angamatshumi amabili. Igama lakhe nguSifiso Mkhwananzi. Uyewaqanjwa ngabanye abathengisa ngomzimba njengomuntu oseke wazama ukubulala abanye babo baphunyuka.
Yenake uthe ufuna ukufaka isicelo sokuthi icala lakhe lithethwe ephandle kodwa isikhulumeli seviyo labatshutshisi uNkosikazi Phindi Mjonondwana uthi bazaphikisana lesicelo lesi.
Abantu ababhekane lamacala okuhlukunyezwa kwabesifazana lawo macala siwathatha serious kakhulu siyi NPA.”
Umsolwa kukhangelelwe ukuthi aphenduke emthethwandaba mhlaka 31 Mfumfu ezofaka isicelo sakhe sebail.