Amaqembu atshotshozela ukuthi abantu bokuza kufanele baxotshwe kwele South Africa labamabandla ezombusazwe kulelolizwe, batshengisele namhlanje besithi uhulumende kumele axotshe lokubuyisela muva zonke izizalwane zakwamanye amazwe eziselizweni ngokungekho emthethweni.
Ukudlwengulwa kwabesifazana abayisitshiyagalombili ngabesilisa abacatshangelwa ukuthi yizizalwane zakwamanye amazwe sekulethe intukuthelo enkulu elizweni.
Abamabandla ezombusazwe lenhlanganiso zikazulu bebetshengisela emthethwandaba kaMantsi eKrugersdorp, NgolweSithathu, besithi uhulumende akakhiphe bonke abantu bokuza abaselizweni ngokungekho emthethweni.
Lokhu kulandela imbiko yokuthi abebedlwengula laba yizizalwane zakweleLesotho eziselizweni ngokungekho emthethweni kanti zilapha ukuzogebha igolide ngokungekho emthethweni.
Omunye wabebetshengisela laba ngumnumnzana Veli Madondo owenhlanganiso yeKhala Mntwana, eququzela ukuxotshwa kwabakwamanye amazwe kweleSouth Africa. Uthi inengi lenhlupho ababhekane lazo ziqalwe ngabantu bokuza.
“They are taking imisebenzi yabantu bala eSouth Africa, ukucreator amadrugs, ne unemployment. That’s why we are fighting them ukuthi bangene ngokuphelele lapha eSouth Africa. We don’t mind if benawo amaphepha. We don’t want the illegal ones because babuya lana babe ngama cheap labour i unemployment iba nengi.”
Ilunga lebandla leAction SA, elaziwa kakhulu ngokukhuthaza ukuxotshwa lokwenqabela abakwamanye amazwe abaselizweni ngokungekho emthethwemni ukuthi bathole amathuba emisebenzi, unkosazana Duduzile Ngubeni uthi kayikho into embi ngenkuthazo yabole.
Ma ungangenanga ngomthetho kufanele ubuyele ecountrini yakho. Ngeke singene eZimbabwe singangenanga ngo mthetho ngoba bazosibuyisela back. Nathi besicela ukuthi ezweni lethu abantu abangangenanga ngomthetho babuyele back emazweni abo.
Kodwake umngcinisihlalo weviko labatsha ebandleni leANC eEast Rand umnumnzaa Lucky Sele ubephikisana lale inkuthazo esithi lesi kayisiso sikhathi sokusola abakwamanye amazwe kodwa yisikhathi sokulwisa izigebenga kungakhathalekile ukuthi zivela ngaphi.
“Lendaba ayihlangani lamaforeigner. Kumele sidile ne crime and not mix the two issues. If ekhona amaforeigner illegal here they must be attended to on the basis that they are here to do crime. Abantu okufanele sifocuse kubo ngabantu abenza icrime. It doesn’t matter whether they are foreigners or South Africans.”
Kusenjalo icala labesilisa labo lidluliselwe phambili njengoba amapholisa esacwayisisa ngamakheli abo kantike abanye balokhu besadinga amagqwetha.
Abesifazana laba badlwengulwe ngabesilisa abafika itshumi ngesikhathi becindezela umdlalo kamabonakude duze lomgodi wegolide omdala eKrugersdorp.
Selokhu kusungule lonyaka, ukwanda kwabangasebenziyo, inhlupheko lokudalwa kwamacala sekubangele ukwanda kwenkuthazo yokuthi abokuza babuyele kubo.