Kuliviki kuhlelo Woza Friday silomculi weReggae, uItai Bokosha, owazakala ngegama lakhe kwezomculo elithi Mann Ites ucula ekoBulawayo.
Umdumo we-Reggae kuthiwa ngumdumo wamakhosi. Umculi esilaye uzosihlakaza ngawo lumculo, yeka sizwe imbali yakhe.
"Igama lami ngingu Itai Bokosha umfoka Dube. Ngizalelwe khonapha koBulawayo eMpilo lapha, ngikhulele eMakokoba. Ngike ngafunda eBinga. Umama ubengumuntu ongumbalisi so ngifunde eBinga ngafunda lamanye amaprimary athize thize. Ngikhulele komama ngondliwe komama. Ibizo lolucula nginguMann-Ites, kusitsho ukuthi 'man of sweet vibes'.”
Esemncane Mann Ites wathathwa ngumalumakhe wayahlala laye eHarare lapho aqala ukufundela ukucula basebemfaka kuqembu lokucula.
"Iband kwakuthiwa yiBlack Juke. Ngathathwa ngomunyusisi owayehlala next door uPlaxedis Marimo. Yah! Yikho lapha engaqalisa khona ngo1997. Umculo wami yi-reggae. Ngiqala ukurecorder ngaqala ukurecorder loJoe Maseko, ngasebenza loJoe Maseko. Ubhudi uJeys Marabini silokuhlangana here and there.”
UMann Ites njengabanengi abaculi kukhona abamthintayo ukuthi laye acule.
"Okwenza ngathanda ukuhlabela ngaba inspired ukuthi ngihlabele nguLucky Dube. Umculo wakhe vele wangithinta like oboMarley. Ya!. Though locally ngangilalela oLovemore Majaivana Mtukudzi omdala uMapfumo laba but ya uLucky Dube nguye umuntu owangenza ngazwa ngifuna ukuhlabela sibili ngezwa ngisithi lokhu ngiyakwenza lokhu."
Umculo wakhe utholakala ngaphi?
"Ku-Reverb Nation, kuSpotify lama videos kuYou Tube ngilawo engawa uploadayo nje kakho manengi uyabona mabili njoba khona yilokhwana ukuthi sisadinga ukuncediswa kakhulu kwezezimali lanjani, kodwa umculo mnengi kakhulu. Abanye nje nxa singahlangana laku Whatsapp khonapha ngilokhu ngiyasheya. Ngiyabonga kakhulu ngiyabonga lethuba lonaleli lokunikwa ukuthi ngibelokukhuluma labalaleli, ngiyabonga kakhulu."