Umphathintambo kahulumende oweMatabeleland North uMnu. Richard Moyo uthi asesemaphethelweni amalungiselelo awokuhlalisa kutsha izakhamizi ezihlala eBinga ezizasuswa sokusakhiwa idamu leGwayi-Shangani njalo uhlelo lolu luzathola imali yakuqala efika amadola eMelika ayizigidi ezimbili -two million dollars kunsukwana ezilandelayo.
UMnu. Moyo uthi bazimisele njengohulumende ukusebenza lomuntu wonke othinteka kuloluhlelo njalo baluqhuba ngemfanelo.
Siphinde saxoxa lommeli weBinga South uMnu. Prince Dubeko Sibanda, yena othi bahlala phansi lezakhamizi baloba ugwalo lokuthi bafuna uhlelo lolu luqhutshwe njani ngoba kungakacaci.