Umsekeli kamongameli welizwe, uMnu. Costantino Chiwenga, uvule okusemthethweni umhlangano wabosomabhizimusi owenzelwe embukisweni oweZimbabwe International Trade Fair (ZITF 2022) ethi impi kwele Ukraine isiphazamise amabhizimusi eZimbabwe.
Ubike njalo ukuthi uhulumende lonyaka ubeke eceleni imali engaba ngamadola afika amabhiliyoni amabili okusekela amabhizimusi amancane emizameni yokuthuthukisa umnotho welizwe.
Umbukiso walonyaka oweZITF 2022 oqale ngoLwesibili uqhubeke kuhle lamhlanje lapho uChiwenga acele osomabhizimusi ukuba bengakhwezi intengo yempahla mahlayana.
Ekhuluma emhlanganweni oweNational Economic Consultative Forum, ongenwe ngabasuke emazweni aphetsheya kolwandle, awezwekazi leAfrica labe Zimbabwe, uChiwenga uqhubekele phambili ekhala ngempi eseUkraine ethi isibangele ukukhuphuka kwentengo hatshi elizweni kuphela kodwa lasemhlabeni jikelele.
“Kuhle ukubona amankampani ebukisa ngkhangele ukuba asebenze kubelenzuzo ezweni senelisa ukuhlanganisa izinqumo zama SDGs ezweni uhlupho oselukhona ezweni lemhlabeni jikelele yibunzima osebudalwe yimpi yeUkraine esibangele ukuqansa kwentengo kuleli lasemhlabeni jikelele.”
Umlawuli wedale lephalamende obe khona laye emhlanganweni lo, uMnu Jacob Mudenda uchasisa ngokubukiswa lidale lakhe lonyaka.
“Siyabukisa lathi lapha eZITF njalo ukubukisa kwethu kuhambelana lendikimba yalonyaka ukuze sizihlole sisebenze sijonge ukuvuselela ilizwe.”
Umphathintambo wakoBulawayo, uNkosikazi Judith Ncube, esamukela abangene lumhlangano ohambisana lombukiso oweZITF, uthe bakhangelele ukuba osomabhizimusi bakuleli bazaqinisa ubudlelwano labakwamanye amazwe.
“Siyalamukela koBulawayo lizizwe lingekhaya thina njengedolobho sikhangele ukuba sithole amabhizimusi azathuthukisa ilizwe ledolobho lakoBulawayo kanye lokutholisa abantu imisebenzi.”
Usomabhizimusi kwezokulima, uMnu. Donald Khumalo, usola ahlangane lakho kundayo yabalimi.
“Angikahlangani lolutho olubambekayo kumbukiso walonyaka kwezokulima ngike ngayafika kubalimi benkomo ngathola abalimi abathathe sibili ngidanile kumele kubelobugcono kodwa angila nini lutho olubambekayo kwezokulima.”
Umbukiso walonyaka ogijima ngesihloko esithi “Rethink, Reimagine, Reinvent. Value Chains for Economic Development uqale izolo uyaze ugqitshwe ngoMgqibelo.
Osezavula okusemthethweni umbukiso walonyaka nguMongameli Emmerson Mnangagwa ngemva kokwehluleka kukaMongameli Uhuru Kenyatta ngenxa yokufelwa ngowake waba ngumongameli walelo lizwe uMwai Kibaki.