Bayakhala abanye abantu eZimbabwe abathi uzibuse katsho lutho ngoba uzulu uthwele amagabha avuzayo.
Kodwa abakubandla leZanu PF bathi bazama ngamandla wonke ukuvuselela umnotho ngakho-ke kuqakathekile ukunanza usuku lukazibuse.
Omunye wabakhala ngozibuse nguMnu. Msongelwa Ndlovu, isikhulumeli sebandla leZapu.
UNdlovu uthi kumele abantu bavezele uhulumende okusenhlizweni zabo ngozibuse.
Uyakhala loMnu. Nhlanhla Moses Ncube, okunhlanganiso yeFreedom Alliance.
Kodwa uMnu. Believe Gaule, okubandla leZanu PF, uthi kuqondile ukuba abantu bethakazelele uzibuse.
EleZimbabwe lathola uzubuse ngomnyaka ka1980 kwabulawa abantu abanengi yiGukurahundi eMatabeleland leNkabazwe kudingwa okwakuthiwa ngabahlamuki. Alukalungiswa udaba lolu.