EleRussia lithi selinciphisa inhlelo zalo zokuhlasela isigodlo seUkraine eKyiv kanye ledolobheni elingenyakatho yalelolizwe eleChernihiv ukwenzela ukuthi kubelokuthembana kunkulumo ezisaqhubeka ezokukhumisana umlotha phakathi kwamazwe womabili.
Kuhlafunwe udaba lokugqiba impi-le olwe cease-fire kunkulumo ezisungulwe ngoLwesibili eInstabul eTurkey, ezizaqhubeka njalo ngoLwesithathu.
Ibutho leUkraine lilokhe limisana leleRussia elahlasela lelolizwe kunyanga edluleyo.
Umphathathintambo weRussia obona ngezomvikela uMnu. Sergei Shoigu wazise ngoLwesibili ukuthi okwamanje sebegxile esigabeni seDonbas lapho okule Luhansk le Donetsk khona. Wengeze wathi ilizwe lakhe lizibona liphumelele kuhlandla lalo lakuqala eUkraine njalo lehlise amandla ebutho lalelolizwe. Ukuhlaziya loludaba, sixoxa lengcwethi ecubungula ezombusazwe uMnu. Dumisani Nkomo.
