Wehlise iphika umqeqetshi weqembu lomdlalo wenguqu eleHighlanders uMandla Mpofu ngemva kokunqoba kweqembu lakhe lapho lidlala leleHerentals, emdlalweni wangeSonto. iHighlander inqobe 4 kazero kulumdlalo lahle lathatha imiklomelo yonke.
Bekungokwakuqala ukuba iqembu le Bosso lithole yomithathu imiklomelo selokhu kuqale imidlalo yePremier Soccer League yalonyaka.
Ngaphambilini kwempelasonto uMpofu uke waba sebunzimeni esolwa ngabasekeli beBosso ngoba iqembu lakhe lingaqalanga kuhle emidlalweni yalo yonke lokhe umnyaka webhola uqalileyo. Ihighlanders yenelise ukutholaimiklomelo emihlanu emidlalweni yalo eyisithupha eseliyidlalile lonyaka.
Ukunqoba kwayo ngesonto kuncede ukuthi ikhuphuke engalaneni yemiklomelo eye PSL yaya esikundleni sokulithumi lanye-11th position.
Esiqongweni sengalane yemiklomelo sekuleqembu ele manica diamonds elibuyele kuleso sikhundla ngemva kokunqoba iqembu ele triangle nge 2 ka. Iqembu elikade selikhokhela kule ingalane ele chicken inn selehlile ngemva kokuba ngutshiki lobhanqa lele Harare city 0 ka0 ngempelasonto.