UMongameli Joseph Biden namuhla wengeze ngomnyaka izijeziso zenotho ezafakelwa iziphathamandla zebandla leZanu PF esithi akulanguquko esiyenziwe nguMongameli Emmerson Mnangagwa labanye bakhe elizweni selokhu wangena esikhundleni.
UBiden uthi uhulumende kaMnangagwa uqhubekela phambili esephula ilungelo loluntu njalo engavumeli ukuba abantu benze santando kwezombusazwe njalo bekhululeke kwezamabhizimusi.
UBiden uthi okwenziwa nguMnangagwa labanye bakhe kulakho ukwenza kube lokuxokozela ezansi yezwekazi leAfrica lezinye indawo.
Ngakho-ke uthi kaboni izizatho zokwesula izijeziso lezi ezafakelwa iziphathamandla zebandla leli ngomnyaka ka2003. Kasenelisanga ukukhuluma leziphathamandla zebandla leZanu PF ngodaba lolu.
Uhulumende kaMnangagwa uthi kumele zesulwe izijeziso zenotho lezi ngoba sezibhidlize umnotho welizwe. Kodwa eleMelika lithi ngamanga aluhlaza tshoko la ngoba balutshwana kakhulu abantu eZimbabwe abafakelwa izijeziso zenotho.