WASHINGTON DC - Inhlanganiso elawula ezenguqu emhlabeni, iFIFA, isixotshe eleZimbabwe leleKenya isithi ohulumende balawa mazwe bephule imithetho yayo ngokungenela kundaba zenguqu.
Lokhu kutsho ukuthi amaqembu amazwe la kasavunyelwa ukuphatheka kumintintiswano yeFIFA okwamanje.
Isinqumo lesi saziswe ngumkhokheli walinhlanganiso uGianni Infantino izolo, yena othe lawamazwe ayakwazi ukuthi kumele enzeni ukuze abuyiselwe njalo ekubeni ngamalunga alinhlanganiso.
EleZimbabwe lijeziselwe ukuthi ikhomishini kahulumende ebona ngezemidlalo, eyeSports and Recreation Commisson, yaxotsha iziphathamandla zeZimbabwe Football Association (ZIFA).
Ingcwethi kwezemidlalo uMuziwethu Hadebe utshele iStudio 7 ukuthi kuyadanisa kakhulu ukuthi eleZimbabwe selijeziswe ngalindlela.
Wengeze wathi sokusezandleni zeZimbabwe ukuthi yenze okufaneleyo ukuze yamukelwe njalo yiFIFA.
