WASHINGTON D.C —
Ibandla leMDC Alliance lithi likhathazekile ngokubhidlika komnotho welizwe osokubangele indlala, ubuyanga, ukuswelakala kwemisebenzi, iholo eliphansi, lokungasebenzi kuhle kwengatsha zemfundo lezempilakahle.
Lokhu kuphume emhlanganwen wekhomithi emqoka yalelibandla oweStanding Committee, osanda ukuqhutshwa, lapho okucutshungulwe okunye okuhluphayo elizweni okubalisa inkohlakalo, ukudilizelwa kwabantu izindlu, lokwephulwa kwelungelo loluntu.
Umsekeli wesikhulumeli salelibandla uMnu. Felix Magalela Mafa, utshele uSithandekile Mhlanga weStudio 7 ukuthi ukulethwa kwemali ye50 dollars entsha kungabhidliza umnotho welizwe ngamandla.
