Izikolo ziyavulwa namuhla ngemva kwenyangwa ezimbalwa zivalelwe ubhubhane lwe covid 19. Abanye abazali bakhala ngokuthi njengoba izikolo zingalamithi yokuhlamba abantwana kulakho ukuqhamuka njalo igcikwane le coronavirus elizweni.
Okunye njalo okukhathaza abazali yikuthi inengi alilamali yokuthi abantwana babhadalele indleko zama school fees njengoba ilizwe belivaliwe phansi kwemigoqo yokuvimba ukumemethekisa kwegcikwane le coronavirus.
Sixoxe lomzali, uMnu. Stanely Torima ongukhansila njalo weDete esigabeni seMatabeleland North.
Kunjalo nje, ugatsha lwezempilakahle lubika ukuba kulabantu ababili ababulewe ngumkhuhlane we covid 19 izolo kuthi abalitshumi lantathu, 13 bathelwa igcikwane le coronavirus.
Lolugatsha luthi kulabantu abafika phose ikhulu, 94 abseseibhedlela kodwa akula ngitsho loyedwa ogulela ukufa. Sokulabantu abedlula inkulungwane ezingamatshumi amathathu, 34 043 asebehlatshwe ijekiseni ye covid 19.
Lokhu sikudaba lokuvulwa kwezikolo, siphende saxoxa lesiphathamandla senhlanganiso elwela ilungelo lamatitshala, eye ARTUZ, uNkosazana Melissa Chingwanangwana othi amatitshala lawo awahlalisekanga ngokuvulwa kwezikolo.