Abenhlangothi ezehlukeneyo zelizwe batshengisa ukukhathazeka ngempumela yomhloliso ka Grade 7 wanyakenye esanda kwethulwa etshengise abantwana bezinye izikolo beswela lokukodwa emhlolisweni.
Esethula umbiko phezu kwempumela yomhloliso wezifundi zika Grade 7 zanyakeney umgcinisihlalo weBoard ebona ngezokuqhutshwa kwemihloliso kumfundo ye Primary le Secondary eye ZIMSEC uProfessor Eddie Mwenje utshele umhlangano lentathelizindaba owenziwe ngendlela yakulezi insuku ezebukenjini ukuba isilinganiso sabaphumelele kulomhloliso sifika phose amatshumi amane ekhulwini, 37, 11 percent.
Lokhu kusitsho ukuba sehlile kancinyane nxa kuqathaniswa lomnyaka ka 2019 lapho esasifika phose isilinganiso sokungamatshumi amahlanu ekhulwini, 46, 9 perent.
U Proffesor Mwenje uveze njalo ukuba lokhu kusitsho ukuba sehle ngesilinganiso phose sokulitshumi ekhulwini, 9, 97 percent, salabo abaphumelele kulo umhloliso nxa kuqathaniswa lempumela yomnyaka ka 2019.
Isikhulumeli enhlanganisweni yababalisi abafundisa emaphandleni ye Amalgamated Rural Teachers Union - ARTUZ umnumzana Nation Mudzitirwa uthi kabamangaliswa yilokho kwehla kwenani labaphumelele kulo mhloliso ka Grade 7, wanyakenye.
“ Ngoba abantwana kabafundanga, kabaqedanga amaSylubus ngoba izikolo zavalwa ngoMarch then zavulwa ngoSeptember because of iLockdown. Izikolo zathi zivulwa, kade kungela babalisi ezikolweni, be incaparcitated, bekhala ngendaba yeholo. Singakhangela izikolo zasemaphandleni, yizo ezilabantwana abafeyile kakhulu ngoba abatholanga i opportunity yokuthi bayenze iONLINE LEARNING, ngesikhathi seLockdown. Ngoba kade bengela amaSmart Phones, bengela ama Laptops, bengela imali yokuthenga iData. Lapho abahlala khona, akula Network, abanye bakhona,” kutsho uMadzitirwa.UMudzitirwa, ukhuthaza uhulumende ukuba alulungisise udaba lweholo lababalisi lokunye abakudingayo ukuze kube ngcono kwezemfundo. “Ababalisi kumele baholiswe imali eynelayo, eyenza ukuthi bayenze umsebenzi wabo kuhle. Kumele kube lababalisi abanelayo ezikolweni ikakhulu emaphandleni ngoba sometimes uyathola kulababalisi abangu three isikolo sonke. Kumele kube lamaresources anelayo ezikolweni ikakhulu ezisemaphandleni, ama Textbooks, amaLaboratories even ama Classrooms wokufundela so that abantwana babe le Equal Education Wheather usemakhaya kumbe usedolobheni.” Kutsho uMadzitirwa.
Abakhulumisane lalumsakazo ababalisa uMnu. Effie Dlela Ncube obona ngezokukhankasela lezokupha amacebo enhlanganisweni ye National Concumer Rights Association – NACORA, njalo laye engumzali.
“ Impumela yalonyaka ekaGrade 7 kayimangalisi lanxa ungathatha ukuthi kule COVID-19 evimbele abantwana ukuthi bafunde. Kodwa vele sesakubona umnyaka ngomnyaka, abantwana bephuma lazero lazero, ikakhulu eMatebeleland, izikolo ezinengi zizuza zero, umnyaka lomnyaka kuGrade 7, umnyaka lomnyaka ku “O” Level, ku “A” Level, kunjalo. Into leyi idinga ukuthi ithathelwe amanyathelo amakhulu ilungiswe masinyane ngokuba kuyonakala, isizwe siyasala emuva, abantu bayasala emuva ngobunengi, abantwana abanengi bayasala emuva. Izigidi gidi ziphelela endleleni, kakulungiswe masinyane khona lokhu,” kutsho uNcube.
Esinye isakhamuzi saseTafara edolobheni leHarare uMnu. Ian Masiye uthi kayimangalisi leyompumela yomhloliso ka Grade 7.
“ Uhulumende wayemele ukuthi nga wema, waba lepatience ukuthi into ziqale zilunge, abantwana bafunde, bafunde sibili ukwenzela ukuthi nxa ama Results ephuma sibe kwazi ukuthi hayi, for sure bafundile. Kodwa lokhu okwakhathesi, hayi kuyadanisa sibili. Kambe izikolo, abantwana baphume labo zero%. Hayi, thina kuyasidanisa kakhulu. Sekumele abantwana baqhubeke baye phambili, kanti bengathini. Ayisiyo fault yabo ukuthi bafeyilile, bazamile lapha abakwanise khona. Loba nje sibona ukuthi izikolo ezeHarare yizo ezingani ziphumelele kakhulu.” Kutsho uMasiye.
Ingcwethi kwezenotho, uMnu. Rejoice Ngwenya ongumkhokheli wenhlanganiso ye Coalition for Market and Liberal Solutions – COMALISO, uphe umbono wakhe phezu kwalempumela.
“Kukhanya njalo izikolo ezisemadolobheni kumbe ezilabanikazi abangaso hulumende, yizo eziphumelele kakhulu, zikhlwebha ama 100%. Ngibona futhi inkulungwane ezine - 4000, yizo ezingaphansi kwe 40%. Ezingamakhulu amabili, phose abantwana, abazuzanga lutho, ama zero percent,” kutsho uNgwenya.
UNgwenya ukhala ngomkhuhlane weCOVID-19 athi yiwo ophazamise uhlangothi lwezemfundo kakhulu ekhuthaza uhulumende ukuba aphange atholise uzulu ijekiseni yokuvimba ukubamba igcikwane le coronavirus.
“Kutshengisa ukuthi umkhuhlane lo oweCOVID, ubhidlize izifundo lokuphazamisa izifundi. Abantwana labazali abanengi kabalathuba lokufunda ebulenjini kumbe amaRadio kumbe amaTelevision. Nxa kungasazuzwanga umgcabo kumbe le esithi ngesikhiwa ivaccine, mina ngibona kungcono izikolo vele zihlale zivaliwe,” kutsho uNgwenya.
Abogatsha lwezemfundo yePrimary le Secondary bathi yikhona bezokuyikhangelisisa limpumela ngokugcweleyo anduba batsho ukuba kwenziwani.
Abohlangothi lweZIMSEC babika ukuba, izifundi ezizinkulungwane ezedlula amakhulu amathathu - 327 559 zilobe umhloliso ka Grade 7 wanyakenye.
Ezedlula kancinyane ikhulu elilamatshumi ayisithupha - 167 602 kungezesifazane kuthi ezedlula kancinyane inkulungwane ezilikhulu lamatshumi amahlanu - 159 957 kungezesilisa.
Ukuhalziya loludaba sixoxe lowake wabangumphathisikolo, uMnu. Thandeko Zinti Mkandla.