UZulu weZansi yemaNdebeleni seleminyaka ebhekane lendlala embi ngenxa yokungani kuhle kwezulu kungakho ukuna kwalo lonyaka litshiye inengi lilethemba lesivuno esihle.
Kodwa umanakalo osudale yilelizulu selitshiye izakhamizi zemaphandleni zikhala ngobunengi balo okulakho ukudala ukuthi bengavuni kuhle ngoba izilimo sezitota.
Izulu eline endaweni ezinengi eZansi yemaNdebeleni kuviki eyedlulileyo litshiye umonakalo omkhulu.UMnu Mduduzi Tshakalisa oyisakhamuzi seLutumba eBeitbridge uthi abanye bathathwe ngamanzi kulandela ukuna kwalelizulu.
“Izulu lidale umonakalo omkhulu kumaviki la adlulileyo , sibona amabridge athethwe ngamanzi labantu bathethwe ngamanzi abanye abakade belandela inkomo zabo kade zingene emfuleni ukuthi bayezithatha isikepe sathathwa ngamanzi kwaswelakala abane kodwa ababili babonakele kuthi abababili lokhu bengabonakali,” kutsho uTshakalisa.
Ngaphandle kokulahleka kwempilo ihofisi likasikomitshi eBeitbridge libike kuliviki ukuthi imuli ezifika amakhulu amahlanu zisele zisegcekeni ngemva kokudilika kwemizi yazo.
UMnu Lovemore Ncube oyisakhamuzi sakoMalaba kuWard 7 eMatobo South thi izifuyo zabo sezisengozini kulandela ukudabuka kwedamu leNgoniwa eliyilo abalithembileyo esigabeni sabo.
“Sisele sikhala amanzi ahambile , pho esingasakwazi yikuthi lumnyaka sizawuqeda izifuyo zethu zinatha ngaphi?, lidamu ebelisikhangelele ukuthi ngendlela kade lilamanzi ngayo besiyafika uDecember lilamanzi alubana nga isikhalo seths siyazwakala idamu livalwe lapho elidabuke khona,” kutsho uNcube.
UMnu Tobias Sibanda oyisakhamuzi seFumukwe eGwanda South uthi labo behlelwe ngumonakalo ofunayo.
Ngaphandle kokudilika kwezakhiwo isivuno salonyaka silakho ukuphazamiseka kutsho uMnu Patrick Marupi.
Endaweni ezibalisa koSiyoka eBeitbridge laseSelonga eGwanda South amabholoho athathwe ngamanzi.
Ibholoho elikumfula uMbebesi eWest Nicholson emgwaqweni osuka koBulawayo usiya eBeitbridge liyalungisa ngemva kokudilika kwalo kwelinye icele kuviki eyedlulileyo.
Osaphethe isihlalo somqondisi wesabelo seZansi yemaNdebeleni uMnu Peter Mahlathini uthe kusazamele acele imvumo kubakhulu bakhe phambilini kokuthi asilandisele ngomonakalo obekhona.
