Izolo kube lilanga lesithathu kubhubha abantu abedlula amatshumi amahlanu ngalanga linye bebulawa yi Covid 19.
NgoMvulo kubhubhe abantu abangamatshumi ayisithupha, 60 kwalandela ngoLwesibili kwabhubha abangamatshumi amahlanu lambili, 52 kuthi izolo kwatshona abangamatshumi amahlanu lane.
Abatholakale beleCoronavirus bedlula amakhulu ayisikhombisa-733, okutsho ukuthi i-COVID 19 isibulele abantu abafika phose inkulungwane-879, njalo igcikwane layo lahlasela citshe abazinkulungwane ezingamatshumi amabili 19, 253 selokhe laqhamukayo ekuqaleni komnyaka odluleyo.
Lokhu kwenzakala inengi labantu libikwa lilokhe liphithizela emadolobheni kanye lemalokitshini, lingalandeli iziqondiso ze lockdown, ezokwenqabela ukumemetheka kwaleligcikwane.
Abantu bathi kufanele baziphandele kulokuhlala ezindlini kungelakudla kanye lamanzi okusebenzisa.
Okunengi ngaloludaba, asikuzweni kungxoxo uSithandekile Mhlanga weStudio 7 ayiqhube loMnu. Thembelani Dube, isiphathamandla senhlanganiso yeBulawayo Progressive Residents Association.
