Umkhuhlane we covid 19 uqhubeka udala umonakalo elizweni ubulala abanye njalo abangamatshumi amahlanu lambili, 52, ngelanga linye.
Ugatsha lwezempilakahle, kumanani ethulwe izolo, lithi kulabantu aba ngamakhulu afika phose ithoba minwe mibili, 783.
Inengi lababhubhileyo ngabesigaba seMashonaland West, abalitshumi lanhlanu, 15 kulandele ese Mashonaland Central okubhubhe abalitshumi lanye, 11.
Kwabathelelwe igcikwane le coronavirus inengi, njengensukwini, ngabe Harare abedlula amakhulu amabili , 251 kulandele abe Mashonaland Central abedlula ikhulu lengxenye , 156. Asebebhubhile selokhu leligcikwane laqhamuka sebehahabela inkulungwane eyodwa, 825.
Kunjalo nje, abemaphandleni bathi leligcikwane linganeno. Sixoxe lowake wamela isigaba seBinga North edale lephalamende, uMnu. Prince Dubeko Sibanda saqala ngokumbuza ukuthi umumo unjani eBinga?
