Uhulumende uthi umkambo wokuthengiselana owe stock exchange uzasungulwa edolobhone leVictoria Falls ngoMvulo ozayo lanxa ingcwethi ezicubungula ezomnotho welizwe zisithi awusoze uphumelele kangako, njengoba lindawo isazakala njengeyokuzithokozisa; okwe tourism, kuphela.
Amankampani akhangelelwe ukuphatheka kulumkambo abalisa awe Seedco, Old Mutual, Caledonia Mining, Invictus Energy lamanye.
Umphathintambo obona ngenhlelo zemali uMnu. Mthuli Ncube ubikwa esithi ugatsha lweZimbabwe Stock Exchange yilo oluzaqhuba loluhlelo lapho amankampani azathengisa impahla zawo zama stocks ngemali yakwanye amazwe.
Ukuze sizwe ukuthi i-Victoria Falls Stock Exchange le ivele isebenza njani, lokuthi ingaphumelela yini, uSithandekile Mhlanga weStudio 7 uxoxe loMnu. Rejoice Ngwenya ingcwethi ecubungula ezombusazwe.
