Ukwengezelelwa kwezikhathi zokuvulwa kwezitolo lamabhizimusi kwamukwelwe ngabanye abathi kuzaphathisa ukuvuselela umnotho kodwa abanye besithi kuzengezelela amathuba okumemethekisa igcikwane le coronavirus.
Uhulumnde wazise ngoMvulo ukuthi amabhizimusi asezavulwa ekuseni ngo half past six evalwe ntambama ngo half past six. Phansi kwemigoqo yokuvimba ukumemetheka kwegcikwane le coronavirus amabhizimusi abevulwa ngo eight ekuseni evalwe ngo half past four ntambama.
Ingccwethi ecubungula ezomnotho uMnu. Rejoice Ngwenya uthi inyathelo lihle kodwa umumo kawuvumeli lokhu.
Usomabhizimusi njalo elilunga lebandla le Zanu PF, uMnu. Joseph Tshuma uthi uhulumende uthethe inyathelo elihle kakhulu.
Omunye njalo usomabhizimusi wako Bulawayo, uMnu. Edwini Ndlovu uthi ukwengezelwa kwamahola omsbenzi akusoze kuphathise umnotho osubhacalele ngomkhaba.
Kwamanye amazwe afana leleMelika ukwengezelelwa kwamahola okuvulwa kubonakala njengendlela yokwehlisa ukumemeheka kwegcikwane le coronavirus ngoba kusehlisa ukuminyana kwabantu ezitolo njengoba belakho ukuhamba ngasiphi isikhathi lapho okuyabe kulabantu abalutshwana abathengayo kumbe ukwenza ibhizimusi.
