WASHINGTON D.C —
Ikhansili yedolobho lakoBulawayo ithi izavalela abahlali bayo amanzi okwedlula amalanga amane kumbe okwamahola angamakhulu ayisitshiyagalombili-108 hours, ngenxa yohlupho olusesititshini se criterion water treatment plant.
Lokhu kwenzakala ngesikhathi eleZimbabwe lalo selihlaselwe ligcikwane leCoronavirus, njalo abantu bekhuthazwa ukugeza izandla ngamanzi lesepa ngesikhathi sonke.
Ikhansili le isixwayise njalo izakhamizi ukuthi zisuke edolobheni ngehola lesithathu ntambama nsukuzonke ukwenzela ukuthi ifafaze imithi yokwenqabela igcikwane leCoronavirus endaweni ezehlukeneyo.
USithandekile Mhlanga weStudio7 uxoxe loMnu. Thembelani Dube, isiphathamandla senhlanganiso seBulawayo Progressive Residents Association.
