WASHINGTON D.C —
Izibopho zikahulumende ezokuthi abantu bengabuthani bedlule amatshumi amhlanu ngasikhathi sinye ukwenqabela ukumemetheka kwegcikwane le coronavirus, sezibangele ukuthi inhlanganiso eziphathisa uzulu ngokudla zime ukwenza umsebenzi.
Lokhu kwenzakala ngesikathi kulendlala embi elizweni, ikakhulu emaphandleni.
IStudio Seven yehlulekile ukukhuluma leziphathamandla zalezinhlanganiso kodwa izakhamizi zithi zitsheliwe ukuba lezinhlanganiso zisadinga indlela zokwaba ukudla zingazifakanga engozini yokuthelelwa kumbe ukumemethekisa leligcikwane.
UChris Gande weStudio Seven uxoxe lesiphathamandla loNkosazana Lindiwe Maphosa, isiphathamandla sebandla leMDC esigabeni seMatabeleland South ukuze sizwe okunengi ngaloludaba.
