Uhulumende usemanyena lekhansili yedolobho lakoBulawayo kuhlelo lokuvikela umkhuhlane wendingindi ngokuhlaba abantwana amajekiseni lokubathontisela iVitamin A kusukela kusasa kusiyafika uMgqibelo.
Kusukela kngoLwesibili ikhansili yedolobho lakoBulawayo izaphuma ijumo ihamba ihlaba abantwana abalenyanga eziyisithupha zokuzalwa kusiya kuminyaka emihlanu amajekiseni okubavikela ukubamba umkhuhlane wendingindi kanye lokubathontisela iVitamin A.
Umqondisi wogatsha lwezempilakahle kukhansili yedolobho lakoBulawayo uDokotela Edwin Dube uchaza uhlelo lokuvikela abantwana kumkhuhlane wendingindi.
“UDokotela Dube uchaza indlela abazasebenza ngayo kanye lemikhuhlane ebakhona umntwana enabanjwa numkhuhlane wendingindi,” kutsho uDube.
Abezempilakahle bakhangelelwe ukusebenzela emakilinika ekhansili kanye lokuyafinyelela abantwana ezikolo, ezindlini lemavinkilini.
“Umkhuhlane wendingindi ulakho ukuthatha impilo yabantwana abangavikelekanga njalo uyathelelwana. Bonke abantu bayakhuthazwa ukuba base abantwana emakilinika ukuyahlatshwa lokuthonsiselwa ukuze bavikeleke ekubambeni umkhuhlane wendingindi,” kutsho uDube.