Kuhlelo Woza Friday umsakazi we Studio 7 uEzra Tshisa Sibanda uxoxa lomculi wengoma zikaMaskandi uMthabisi Gumbo owazakala ngokuthi nguGomane ekweleSouth Africa.
Akujayelekanga ukuba labahlabeleli abanengi abadabuka eTsholotsho, abantu abanengi bazi umuyi uFanyana Dube Isqholo seZhwane. Kulezinsuku kuloZinja Ziyamluma, kukanti ke namhlanje ke sikhonangale eTsholotsho silejaha lalo elisakhulayo okwamanje licathula liseMzansi Africa
“Obingelelayo nguMthabisi Gumbo oqhamuka lena eTsholotsho.Umfana nje okhule ngenhlonipho okhule elusa emakhaya wafunda khonale emakhaya wafunda khonale emakhaya umfana olenhlonipho enkulu kakhulu.Laphemculweni ngibizwa ngekaNgomane.Ukuthi Ngomane mhlawumbe abantu bengadideka ukuthi Ngomane yisthakazelo sethu yistemo leso,” kutsho uGumbo.
Umculo kaNgomane, yena ke ulamadlalade aesewakhiphile njalo owamenza wangena kulezi ezomculo ngumuntu amthanda kakhulu.
“Asemabili ama album elakuqala lalithi uchungechunge laliqukethe ingoma ezimnandimpela ingoma ezilomlayezo ezakhayo othi impela nje lawe ma ungazitholela lona cha uyabhema ukholwe .Elesibili lithi lona Kufa senzeni na nani niyabona nje umhlaba ngathi uyashabalala abantu bafa mihla namalanga .Umuntu owangithathimpela wangibeka emculweni ngathi ubaba,ngoba ngithe ma ngikhula bengilalela ingoma zikaBhekumuzi ubaba ubekathenga amakhasethi hayi amaCD bekungakafiki iskhathi samaCD bekungamakhasethi besilalela kakhulu nje amakhasethi kaBhekumuzi,” kutsho uNgomane.
Luhlelo Woza Friday siloNgomane, yena ke uNgomane usebenza labanye abantu phela ekukhipheni umculo omnandi kangaka kodwa ke ulesikhalazo
“ Kuma CD wami ngisebenze lo mfowethu wakithi ngaleZimbabwe.Nguyenimpela nje ongisizayo kwezinyizinto.I CD kaNgomane abantu bayalamukela kakhulu futhi bayalithandimpela.Ngendlala nje abasapota ngakhona ,bayasapotimpela nje kuyangokuthi kusuke kushote inkampani o ngithi nje ukuqhashwa mhlawumbe lasemcimbini ekhokhelayo kuseseyimvela kancane .Mhlwawumbe ma kungabuya nje kuqine lapho ayi ngingabona mpela ubuhle bendlela abangamukela ngakhona,” kutsho uNgomane.
Bakulalele eTsholotsho, bakulalele eZimbabwe yonke jikelele, bakulalele ngaseMzansi, weNgomane ulelizwi bani ofuna ukilinikeza abantu abakulaleleyo ngalesiskhathi
“Kubathandi bomculo kaNgomane labawuthengayo labalaleli nje bakamaskhandi ngithi bafowethu alingaphelimandla ngokulalela umaskhandi liqhubeke njalo lisxhase ukuze nathi siqhubeke njalo silenzela zona into ezimnandi lezo.Angikabinaso isponsor mhlawumbe angikabinaye umaneja kanje into ezifana nalezo into ezifana lamankampani .Kusesenzima ukuthi ngifake amaCD esitolo ngoba ezitolo ezinye babuza indaba zamankampani into ezifana nalezo ,so kunzima ukuthi iCD ulithole esitolo ,iCD lisatholakala kuNgomane leyinduna zakhe kusiyale,” kutsho uNgomane.
UNgomane uyafisa ukuthi abantu bamthinte, bakhulumisane naye ngokuthenga ke umculo wakhe
“Noma nje ngithi angitshiye mina inamba,inamba yami ithi yona 0844431174 ngitholakala lapho ke nakuwhatsapp uyangithola naku facebook mhlawumbe uma ungabudinga ama CD ka Ngomane.Ngomane Maskandi Music uyakkwazi ukungena kuleyo peji mhlawumbe usthole lapho.Ngidlulisukubongakakhulu mpela kubafowethu ikakhulu abathe basiza ngagcina ngifinyelele la kulomsakazo lo,” kutsho uNgomane.
Luhlelo lwabantu, uhlelo olujonge ukuthuthukisa abahlabeleli bakithi, namhlanje kuloluhlelo Woza Woza Friday besiloNgomane.
