Abenhlanganiso ezilwela amalungelo oluntu bahlangene ukuze
babonisane ngenkinga ezibhekana labanengi ekuyabhaliseni ukuthola ingwalo zokuzalwa ama birth certificate.
Inengi lababhekane lalolu hlupho kufunyanwe ukuba yilabo abalahlekelwa ngabazali ngesikhathi sombuqhazwe owe Gugurahundi ngakhoke uHulumende ukuthazwa ukuba angenele aphathise laba bantu.
Lokhu kuphume emhlanganweni oqoqwe ngabenhlaganiso eye Habakuk Trust ongenwe ngabenhlanganiso ezizimeleyo zixhaswe ngabamakhomishini athi eyezamalungelo oluntu eyeZimbabwe Human Rights Commision lebona ngokuxolelana eyeNational Peace and Reconciliation Commission.
AbeHabakuk Trust bathi injongo yabo yikuthi baphume logwalo oluzakutsho izikhalazo zabantu njalo lube yisisekelo ekuletheni inguquko ekusebenzeni kwabohlangothi lukahulumede olubona ngokubhaliswa kwabantu.
Obona ngokuqhutshwa kwenhlelo eHabakuk Trust uBlondie Ndebele ukhuluma ngalezi zikhexe ezitholakala ekubhalisweni kwamaBirth Certificate.
“Lapha kade siDiscussa on the legal Gaps akhona with regards to access to Civil Documentation, sezinanzelele ukuthi kulabantu abanengi abangela Legal Documentation. KulamaIssues eGukurahundi lamaIssues eAttitude abantu abe Registra generals office,” kutsho uNdebele.
UCommissioner Sethule Ncube oweZimbabwe Human Right Commision uthi ilungelo leli liqakathekile ngoba liyilo elitsho ukuthi umuntu ungubani kuqalisela ekutholeni iBirth Certificate.
“Ilungelo lamaBirth certificate liqakathekile okuSerious ngba yilo
elitshengisa i-Identity yakho, ukuthi uthole iNational ID
i-Citizenship ukuthi ungubani kuqalisa kuBirth Certificate. Konke
ozakufuna kuqalisa kuBirth Certificate that is why iConstitution
ikhuluma ngakho ngoba kuqakathekile,” kutsho uNcube.
Umnumzana Dumusani Mpofu oweFredom First Project uthi
kuqakathekile ukutholisa umuntu amaBirth Cerificate, izithupha kanye
lamaDeath Certificate ngoba kuphathisa endabeni zelifa.
“Kuqakathekile ukuthi abantu babe lezithupha lamaBirth Certificate kanye lamaDeath Certificate ngokwawo ukwenzela ukuthi abantu batholi ilifa imisebenzi kanye lokuthi kwaziwe ukuthi ngabe Zimbabwe.
Kuqakathekile ukuthi uHulumende lo omutsha aboniswe ukuthi imithetho yehliswe kancane ukuze laba abantu abalohlupho oluthize banelise ukuthi bathathe ngobufakazi abalabo,” kutsho uMpofu.
Igqwetha ebelikhuluma kuloluhlelo uNkosikazi Nosimilo Chanayiwa lithi ukutholiswa kwamaBirth certificate kusemthethweni owe Births and Deaths Registration Act.
“Ukuthathwa kwamaBirth Certificate elizweni kuRegulethwa nguthmthetho okuthiwa yiBirths and Deaths Registration Act, nxa uhlangana lawo onke amarequirements anjengokuthi ube leBirth Confirmation lama IDs abazali kubalula iproblem ibakhona nxa amaRequirements engahlangani,” kutsho uChanayiwa.
Amawofisi athathisa amaphepha kukhanya alemigoqo eminengi eyenza abanengi behluleke ukuthola amaphepha afaneleyo okucina kubulala ikusasa yabanengi ikakhulu abasakhulayo abayibo abamele baqhubekisele isizwe phambili.
UHulumende omutsha ulomlando omkhulu ukuthi enze sobala ukuthi abafuna ukuthola amaphepha bawathola lula njalo lomthetho okhona kumele uqondisiswe njalo ukhangele isimo esikhona khathesi kungabi njengenhlalayenza ukuthi abantu bahlangana lemigoqo engapheliyo.
Abakade besemhlanganweni lo, bavumelene ukuthi abantu abahlangana lobunzima ngesikhathi esidlulileyo okugoqela kuzehlakalo zeGukurahundi, ezeMurambatsvina lezinye ezobudlwangudlwangu ngezikhathi zokhetho kumele batholiswe lula amaphepha ngobufakazi ababulethayo.
