Njengoba ilanga lokuhluzisisa udaba lwempumela yokhetho olwethulwa ngumkhokheli webandla leMDC Alliance, uMnu. Nelson Chamisa amanye amagqwetha asethandabuza ukuthi kambe ubufakazi bokuthi ukhetho lwaqhutshwa ngemfanelo bungaba bukhona na?
Amagqwetha kaMongameli Mnangagwa athi abukho lobu bufakazi njalo okunengi abafuna ukukusebenzisa emthethwandaba bakuthatha enkundleni zokuxhumana ebulenjini.
Ukuhlaziya loludaba sixoxe lengcwethi kwezelungelo loluntu, uMnu. Bekezela Maduma Fuzwayo endawonye lengcwethi kwezombusazwe, uMnu. Ambrose Sibindi onguye osungula lingxoxo.
USibindi uthi: “Okokuqala yikuthi umnumzana, uChamisa ulelungelo njenge party ye MDC Alliance ukuthi nxa izinto zingahamba kuhle kufanele aye emthethwandaba.”
UFuzwayo uvumelane lo Sibdindi esithi okwenzwe nguChamisa kuyabukeka.
“Angaze athi uwinile enhliziyweni yakhe uyakwazi ukuthi kawinanga. Lanxa behmaba emgwaqweni bayakhanya ukuthi ngabantu abanganqobanga,” kutsho uSibindi.