UNkosikazi Grace Mugabe namuhla ube lomhlangano eMatabeleland South esigabeni seKhezi lapho aqhubeke ngokuthethisa abamabandla aphikisayo agoqela umkhokheli weMDC-T uMnu Morgan Tsvangirai.
Uhulumende wakweleSouth Africa uthi amalungiselelo omhlangano wobudlelwano beChina lezwekazi leAfrica owe Forum for China-Africa Cooperation asephelile. Lumhlangano uqala kusasa eJohannesburg.
Imithetho ekhona emazweni amanengi eAfrica elawula ukuthelelwana kwegcikwane lengculaza incindezela abesifazana ngamandla, okuyibo abavame ukuzithola besetheswa amacala ngaphansi kwemithetho le.
Isigaba seMashonaland Central lokhe sikhokhela kunani Labantwana abendiswa besabancane eZimbabwe, okuyinto esolwa kakhulu ngabantu abanengi, okugoqela abalwela amalungelo abesifazana.
KuLivetalk “Women’s Forum” namuhla sikhangela umhlangano wokuhlaziya umkhuhlane wengculaza osaqhubeka eHarare.
Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 1546 shortwave. Sitholakala njalo kuFacebook ku VOA Ndebele.
