UNkosikazi Grace Mugabe uthi ulala ngendlala ngezinye insuku ekhumbula inkulungwane zabantu abalambayo eZimbabwe. Wethule amazwi la emhlanganweni awenze labasekeli beZanu PF eMbare namuhla.
_____________
Umsekeli kaMongameli Mugabe, uMnu Emmerson Mnangagwa, uthi kayiqondanga imbiko yokuthi uMongameli Mugabe kaphilanga kuhle. UMnangagwa ubehendula umbuzo welinye ilunga leMDC-T edale lephalamende izolo.
_____________
Ingcwethi kwezokudla sezikhuthaze uzulu ohlala emadolobheni lemakhaya ukuthi eqakathekise ukudla kwesintu ukuze ezivikele emikhuhlaneni etshiyeneyo egoqela umkhuhlane wetshukela lowe mvukuzane.
_____________
Kuhlelo “Asiyihluzeni boMama” sikhuluma ngabesifazana abenza imisebenzi evame ukwenziwa ngabesilisa, abagoqela abatshayeli bendizamtshina kuAir Zimbabwe abaphume emaphephandabeni ngeviki edluleyo.
_____________
Lingakhuthwa yilezi ndaba lezinye kuStudio 7 ngo 7 O’clock ntambama kumagagasi athi 909 AM, 4930, 12080, lo15460, Shortwave.
_____________
Sitholakala njalo kuFacebook ekhasini elithiwa VOANdebele kanye lakuwebsite yethu elekheli ethi www.voandebele.com.
