HARARE —
Ababalisi sebekhangelela iholo elithe xaxa ngemva kokuvumelana njengenhlanganiso zonke zababalisi ukusekela isicelo kuhulumende sokuthi iholo likhuphulwe lifike kumakhulu amahlanu alamatshumi amane ama dollar-$540 ngenyanga.
Okhokhela imisebenzi yenhlanganiso yababalisi eye Zimbabwe Teachers Association- Zimta, umnumzana Sifiso Ndlovu uthi bathumezele incwadi yesicelo sabo njengezisebenzi zika hulumende ngaphansi kwe Apex council seholo elikulesi simo ngoLwesithathu.
Omela enye njalo inhlanganiso yababalisi eye Progressive Teachers Union of Zimbabwe-PTUZ, umnumzana Raymond Majongwe inhlanganiso yakhe ikhangelela imali ephezu kwe Poverty Datum Line njalo ifuna ukuba ababalisi bethole leloholo ngesiphangiphangi ethi umongameli Robert Mugabe uthembise izisebenzi zikahulumende iholo elingcono ethi lenyathelo lebandla le Zanu pf lokusekela ukuthi izisebenzi zikahulumende zengezelelwe iholo lihle okwamagama, okuyinto egcizelelwa ngu Ndlovu othi kukhanya sokulokusebenzelana lohulumende ukuthembisayo:
Ocubungula ezombusazwe umnumzana Rejoice Ngwenya uthi inkinga ingaba ekuthini uhulumende ubhekana lobunzima emizameni yakhe yokubuthanisa imali yokusekela imisebenzi yakhe ethi inhlanganiso ezimela lezi zisebenzi ikakhulu ezababalisi kumele ziqakathekise ukusebenza zimanyene nxa zifuna ukuthola lolusekelo ngokuphangisa:
Umongameli Mugabe uthembise ukusekela izisebenzi zikahulumende emizameni yazo yokuthola iholo elingcono ngesikhathi ekhankasela ukhetho njalo idale laphezulu lebandla lakhe leZanu PF ele Politburo lalo lithethe isinqumo sinye kusikhatshana esisanda kwedlula sokuba kungabi lesisebenzi sikahulumende esithola imali engaphansi kwe PDL ekusimo esedlula kumakhulu amahlanu.
Ababalisi okwamanje bathola iholo lamadollar phose amakhulu amathathu- $297.U Ndlovu uthi sikhuluma kanje ababalisi basebenza ngokukhuthala okukhulu be quba umsebenzi wemihloliso elizweni lonke kungela nkinga nomanje bethola iholo eliphansi.
Okhokhela imisebenzi yenhlanganiso yababalisi eye Zimbabwe Teachers Association- Zimta, umnumzana Sifiso Ndlovu uthi bathumezele incwadi yesicelo sabo njengezisebenzi zika hulumende ngaphansi kwe Apex council seholo elikulesi simo ngoLwesithathu.
Omela enye njalo inhlanganiso yababalisi eye Progressive Teachers Union of Zimbabwe-PTUZ, umnumzana Raymond Majongwe inhlanganiso yakhe ikhangelela imali ephezu kwe Poverty Datum Line njalo ifuna ukuba ababalisi bethole leloholo ngesiphangiphangi ethi umongameli Robert Mugabe uthembise izisebenzi zikahulumende iholo elingcono ethi lenyathelo lebandla le Zanu pf lokusekela ukuthi izisebenzi zikahulumende zengezelelwe iholo lihle okwamagama, okuyinto egcizelelwa ngu Ndlovu othi kukhanya sokulokusebenzelana lohulumende ukuthembisayo:
Ocubungula ezombusazwe umnumzana Rejoice Ngwenya uthi inkinga ingaba ekuthini uhulumende ubhekana lobunzima emizameni yakhe yokubuthanisa imali yokusekela imisebenzi yakhe ethi inhlanganiso ezimela lezi zisebenzi ikakhulu ezababalisi kumele ziqakathekise ukusebenza zimanyene nxa zifuna ukuthola lolusekelo ngokuphangisa:
Umongameli Mugabe uthembise ukusekela izisebenzi zikahulumende emizameni yazo yokuthola iholo elingcono ngesikhathi ekhankasela ukhetho njalo idale laphezulu lebandla lakhe leZanu PF ele Politburo lalo lithethe isinqumo sinye kusikhatshana esisanda kwedlula sokuba kungabi lesisebenzi sikahulumende esithola imali engaphansi kwe PDL ekusimo esedlula kumakhulu amahlanu.
Ababalisi okwamanje bathola iholo lamadollar phose amakhulu amathathu- $297.U Ndlovu uthi sikhuluma kanje ababalisi basebenza ngokukhuthala okukhulu be quba umsebenzi wemihloliso elizweni lonke kungela nkinga nomanje bethola iholo eliphansi.