GABERONE —
Umongameli Ian Khama weleBotswana uthi uhulumende wakhe uqhubeka ethwele nzima ngenani eliphezulu labeZimbabwe abangena elizweni okungekho emthethweni. Ekhuluma ngesimo sezwe, uKhama uthe njalo ilizwe lakhe belile lungelo loku sola indlela iZimbabwe ebambe ngayo ukhetho.
Esethula umbiko wesimo selizwe lakhe, umongameli Khama, unthinte ngeZimbabwe esithi ilizwe lakhe liyaqhubeka libuyisela emuva inkulungwane lenkulungwane zalabo abangena elizweni okungekho emthethweni.
Kusukekela ngoMfumfu nyakenye kusiya kuMabasa lonyaka, umongameli Khama uthi iBotswana ibuyisele emuva abeZimbabwe abangaphezu kwenkulungwane ezidlula amatshumi amathathu lanye -31464.
UKhama uthi bayazama ukuqhubeka ngendlela ezingakhanga abantu ukuthi badinge amaphepha hatshi ukuhlala elizweni okungekho emthethweni. Uthi abomthetho bazaqhubeka besethekelela amakampani ukuze babambe labo abasebenza bengela maphepha aqondileyo.
Ngokunjalo eleBotswana selifake imthetho efanayo kulabo abadinga incwadi zokuhlala lokusebenza elizweni. Ugatsha oluhluza abadinga incwadi lezi bazaphiwa imiklomelo kukhangelwe imfundo kanye lemisebenzi yabo.
Kusenjalo umongameli Khama uthi eleBotswana lacela ukuthi kuhluzisiswe ukhetho lweZimbabwe ngoba kufanele. Uthi njengomakhelwane kanye lelunga leSADC, iBotswana ilelungelo lokubuza imbuzo uma kungahambi kahle...
EleBotswana lacela ukuthi ukhetho lweZimbabwe luhluzisiswe kulandela imbiko ethi lungabe lwantshotshwa nguhulumende kamongameli Robert Mugabe.
Kodwa oweZimbabwe ohlala eBotswana uCeiphus Msipa ocubungula ngezombusazwe uthi uKhama ube engajonganga ukuvusa uthuli ngamazwi akhe…
Owaye khokhela iqula elahlola ukhetho lweZimbabwe umnunzana Mompati Merafhe wathi ukhetho beluyinhlekisa lufana lamadlwane. Kodwa uhulumende weBotswana waphanga waxolisa wathi yena ukhulumisana lomongameli Mugabe njengomakhelwane kungekho kudonselana.
Esethula umbiko wesimo selizwe lakhe, umongameli Khama, unthinte ngeZimbabwe esithi ilizwe lakhe liyaqhubeka libuyisela emuva inkulungwane lenkulungwane zalabo abangena elizweni okungekho emthethweni.
Kusukekela ngoMfumfu nyakenye kusiya kuMabasa lonyaka, umongameli Khama uthi iBotswana ibuyisele emuva abeZimbabwe abangaphezu kwenkulungwane ezidlula amatshumi amathathu lanye -31464.
UKhama uthi bayazama ukuqhubeka ngendlela ezingakhanga abantu ukuthi badinge amaphepha hatshi ukuhlala elizweni okungekho emthethweni. Uthi abomthetho bazaqhubeka besethekelela amakampani ukuze babambe labo abasebenza bengela maphepha aqondileyo.
Ngokunjalo eleBotswana selifake imthetho efanayo kulabo abadinga incwadi zokuhlala lokusebenza elizweni. Ugatsha oluhluza abadinga incwadi lezi bazaphiwa imiklomelo kukhangelwe imfundo kanye lemisebenzi yabo.
Kusenjalo umongameli Khama uthi eleBotswana lacela ukuthi kuhluzisiswe ukhetho lweZimbabwe ngoba kufanele. Uthi njengomakhelwane kanye lelunga leSADC, iBotswana ilelungelo lokubuza imbuzo uma kungahambi kahle...
EleBotswana lacela ukuthi ukhetho lweZimbabwe luhluzisiswe kulandela imbiko ethi lungabe lwantshotshwa nguhulumende kamongameli Robert Mugabe.
Kodwa oweZimbabwe ohlala eBotswana uCeiphus Msipa ocubungula ngezombusazwe uthi uKhama ube engajonganga ukuvusa uthuli ngamazwi akhe…
Owaye khokhela iqula elahlola ukhetho lweZimbabwe umnunzana Mompati Merafhe wathi ukhetho beluyinhlekisa lufana lamadlwane. Kodwa uhulumende weBotswana waphanga waxolisa wathi yena ukhulumisana lomongameli Mugabe njengomakhelwane kungekho kudonselana.