BULAWAYO —
I-Final yalonyaka eyomncintiswano we BANCABC Sup8r izadlalwa ngamaqembu aphuma edolobheni leZvishavane ngemva kokuba amaqembu akulelidolobho athi iShabanie Mine le FC Platinum ephumelele emidlalweni yesigaba seSemi Final edlalwe ngempelaviki edluleyo.
Abasekeli bamaqembu lawa bahlezi belokukhwelezelana njengabafazi besithenjini njalo inkundla ingagcwala phamu uma lumdlalo ungaba seZvishavane abalandeli befuna ukuzibonela mathupha ukuba ngubani iqhude elikhulu.
Umqeqetshi weqembu leShabanie Mine uLuke Masomere uhle wafunga wagomela ngemva kokunqoba kweqembu lakhe lisidla iDynamos ngenSonto wathi nomakanjani linkezo iyathathwa liqembu lakhe lonyaka.
Ekhuluma ngemva kokukhethwa kwakhe ukuba nguye umdlali odlale okwedlula abanye ngomgqibelo lapho i-FC Platinum inqoba iMonomotapa uCharles Sibanda uthe ukhangelele kakhulu ukudibana le Shabanie ku Final.
Inkokheli yenhlanganiso yePremier Soccer League ikhangelelwe ukwethula ukuba iFinal yalonyaka eyomncintiswano izadlalelwa kuliphi idolobho ensukwini ezilandelayo njalo abasiki bebunda bathi lumdlalo uzakuba khona ngemva kwamaviki amabili.
Sikhangele umdlalo kakhilikithi;
Iqembu elimela iZimbabwe emdlalweni kakhilikithi kumele lidlale umdlalo walo owakuqala owohlobo lweTest lele Pakistan ngoLwesibili esigodlweni iHarare kodwa kulokwesabela ukuba lumdlalo ulakho ukungaphumeleli njengoba abadlali beqembu le Zimbabwe befuna ukukhalala umsebenzi bekhonona ngokungaphiwa iholo labo.
Abadlali laba bake bethusela bathi abasoze badlale imidlalo esanda kwedlula eye twenty20 kanye leye One Day International kodwa baguqula ingqondo ngemva kokuthenjiswa yinhlanganiso ye Zimbabwe Cricket ukuba bazathola imali zabo.
Loludubo lwemali soludale ukuba ilizwe le Zimbabwe lilahlekelwe ngabadlali abakade betshengisa ithemba lokuba bengaphakamisa iqembu le sizwe abagoqela uKyle Jarvis kanye lo Graeme Cremer.
Uma ungaphumelela lumdlalo uzabe uzaqala ngoLwesibili usiyafika emaphethelweni ngoMgqibelo.
Abasekeli bamaqembu lawa bahlezi belokukhwelezelana njengabafazi besithenjini njalo inkundla ingagcwala phamu uma lumdlalo ungaba seZvishavane abalandeli befuna ukuzibonela mathupha ukuba ngubani iqhude elikhulu.
Umqeqetshi weqembu leShabanie Mine uLuke Masomere uhle wafunga wagomela ngemva kokunqoba kweqembu lakhe lisidla iDynamos ngenSonto wathi nomakanjani linkezo iyathathwa liqembu lakhe lonyaka.
Ekhuluma ngemva kokukhethwa kwakhe ukuba nguye umdlali odlale okwedlula abanye ngomgqibelo lapho i-FC Platinum inqoba iMonomotapa uCharles Sibanda uthe ukhangelele kakhulu ukudibana le Shabanie ku Final.
Inkokheli yenhlanganiso yePremier Soccer League ikhangelelwe ukwethula ukuba iFinal yalonyaka eyomncintiswano izadlalelwa kuliphi idolobho ensukwini ezilandelayo njalo abasiki bebunda bathi lumdlalo uzakuba khona ngemva kwamaviki amabili.
Sikhangele umdlalo kakhilikithi;
Iqembu elimela iZimbabwe emdlalweni kakhilikithi kumele lidlale umdlalo walo owakuqala owohlobo lweTest lele Pakistan ngoLwesibili esigodlweni iHarare kodwa kulokwesabela ukuba lumdlalo ulakho ukungaphumeleli njengoba abadlali beqembu le Zimbabwe befuna ukukhalala umsebenzi bekhonona ngokungaphiwa iholo labo.
Abadlali laba bake bethusela bathi abasoze badlale imidlalo esanda kwedlula eye twenty20 kanye leye One Day International kodwa baguqula ingqondo ngemva kokuthenjiswa yinhlanganiso ye Zimbabwe Cricket ukuba bazathola imali zabo.
Loludubo lwemali soludale ukuba ilizwe le Zimbabwe lilahlekelwe ngabadlali abakade betshengisa ithemba lokuba bengaphakamisa iqembu le sizwe abagoqela uKyle Jarvis kanye lo Graeme Cremer.
Uma ungaphumelela lumdlalo uzabe uzaqala ngoLwesibili usiyafika emaphethelweni ngoMgqibelo.