Ugatsha lokubuswa kwezabelo soluxwayise ikhansili yakoBulawayo ukuthi aluyi kuthikaza ukuxotsha okhansila kumbe iziphathamandla zekhansili ezingalandeli isinqumo sokwesula izikwelede zezakhamizi ngokugcweleyo ngemva kokuthi ikhansili le yesule ingxenye kuphela yalezizikwelede kwasala ezamanzi.
Lanxa nje amanye amakhansili agoqela iharare lechitungwiza esule izikwelede zezakhamizi ngokugcweleyo, iBulawayo yona yesule kuphela inhlawulo yama rates yatshiya eyamanzi isithi ayingeke yenelisa ukusebenza nxa ithe yesula zonke izikwelede.
Obona ngokuhanjiswa kwembiko ekhansilini, uNkosazana Bongiwe Ngwenya, uthi kulandela isinqumo lesi, inengi lezakhamizi selahle lekela ukubhadala osekutshiye ikhansili ithola imali engaphansi kwezigidi ezimbili lengxenye zamadola - $2.4 million phezu kwezigidi phose eziyisikhombisa - $6.9 milion, eyayivame ukuyithola.
Uthi kulakho ukuthi ikhansili icine isixwayisa izakhamizi ukuthi zibilise amanzi zingakawanathi ngenxa yokuswela imali yokuthenga imithi yokuwahlanza.
Isakhamuzi uMnumzana Derrick Dube, uthi akuzwisiseki ukuthi ikhansili iyala njani ukwesula izikwelede zamanzi yona ibivele isibenzisa indlela yokuhlawulisa, i billing system engalunganga.
Idolobho leHarare libikwa selesule izikwelede ezingaphezu kwezigidi ezingamakhulu amathathu i $330 million kwathi i chitungwiza yesula izigidi ezingamatshumi amane - $40 million. Isinqumo lesi sethulwa mhlaka 23 nhlangula ugatsha lwezabelo lusebenzisa umthetho wamakhansili i Rural District Councils Act kanye le Urban Councils Act. UNothando Sibanda usipha loludaba.
Lanxa nje amanye amakhansili agoqela iharare lechitungwiza esule izikwelede zezakhamizi ngokugcweleyo, iBulawayo yona yesule kuphela inhlawulo yama rates yatshiya eyamanzi isithi ayingeke yenelisa ukusebenza nxa ithe yesula zonke izikwelede.
Obona ngokuhanjiswa kwembiko ekhansilini, uNkosazana Bongiwe Ngwenya, uthi kulandela isinqumo lesi, inengi lezakhamizi selahle lekela ukubhadala osekutshiye ikhansili ithola imali engaphansi kwezigidi ezimbili lengxenye zamadola - $2.4 million phezu kwezigidi phose eziyisikhombisa - $6.9 milion, eyayivame ukuyithola.
Uthi kulakho ukuthi ikhansili icine isixwayisa izakhamizi ukuthi zibilise amanzi zingakawanathi ngenxa yokuswela imali yokuthenga imithi yokuwahlanza.
Isakhamuzi uMnumzana Derrick Dube, uthi akuzwisiseki ukuthi ikhansili iyala njani ukwesula izikwelede zamanzi yona ibivele isibenzisa indlela yokuhlawulisa, i billing system engalunganga.
Idolobho leHarare libikwa selesule izikwelede ezingaphezu kwezigidi ezingamakhulu amathathu i $330 million kwathi i chitungwiza yesula izigidi ezingamatshumi amane - $40 million. Isinqumo lesi sethulwa mhlaka 23 nhlangula ugatsha lwezabelo lusebenzisa umthetho wamakhansili i Rural District Councils Act kanye le Urban Councils Act. UNothando Sibanda usipha loludaba.