ខណៈដែលថ្នាក់ដឹកនាំថ្មីរបស់កូរ៉េខាងត្បូងកំពុងបោះជំហានដើម្បីបន្ធូរបន្ថយភាពតានតឹងក្នុងទំនាក់ទំនងរវាងកូរ៉េទាំងពីរ អ្នកជំនាញអាមេរិកាំងកំពុងឃ្លាំមើលសំណើដោះស្រាយជម្លោះដែលដាក់ទៅឲ្យរបបដឹកនាំរបស់លោក Kim Jong Un។ អ្នកជំនាញទាំងនោះមានការបារម្ភថា ការស្តារសកម្មភាពឧស្សាហកម្មនៅតំបន់ឧស្សាហកម្មកែសុងឡើងវិញ អាចបង្កឲ្យមានភាពមិនចុះសម្រុងគ្នាជាមួយនឹងរដ្ឋបាលលោកប្រធានាធិបតី Trump។
យោងតាមក្រុមអ្នកជំនាញអាមេរិកនិយាយថា រដ្ឋបាលរបស់លោកប្រធានាធិបតីត្រាំបានសន្យាថាគោលនយោបាយរបស់ខ្លួនសម្រាប់កូរ៉េខាងជើងនឹងខុសប្លែកពីគោលនយោបាយរបស់ប្រធានាធិបតីមុន ហើយសម្រាប់ពេលនេះមានសំណួរសួរថា តើលោកត្រាំនឹងមានផែនការថ្មីបែបណាចំពោះកូរ៉េខាងជើង?
