ផ្សាយផ្ទាល់ពីសេតវិមាន៖ កិច្ចប្រជុំកំពូលអាមេរិកអាស៊ានថ្ងៃទី១ចាប់ផ្តើមនៅសេតវិមាន
កិច្ចប្រជុំកំពូលពិសេសអាមេរិកអាស៊ានរយៈពេល២ថ្ងៃចាប់ផ្តើមជាផ្លូវការនៅថ្ងៃព្រហស្បតិ៍នេះនៅរដ្ឋធានីវ៉ាស៊ីនតោនសហរដ្ឋអាមេរិក។ នេះជាលើកទី១ហើយដែលមេដឹកនាំសហរដ្ឋអាមេរិកបានជួបប្រជុំជាមួយនឹងមេដឹកនាំអាស៊ាននៅរដ្ឋធានីវ៉ាស៊ីនតោនដោយមានការប្រជុំនៅវិមានសភា សេតវិមាននិងក្រសួងការបរទេស។ លោកនាយករដ្ឋមន្ត្រីហ៊ុនសែនគឺជាប្រធានប្តូរវេនរបស់អាស៊ានត្រូវធ្វើជាសហប្រធានកិច្ចប្រជុំនេះជាមួយនឹងប្រធានាធិបតីសហរដ្ឋអាមេរិក លោកJoe Biden (ចូ បៃដិន)។ លោក ប៉ូច រាសី និង លោក ម៉ែន គឹមសេង នៃវីអូអេសូមរាយការណ៍សង្ខេបជូនពីជំហរនិងក្តីរំពឹងរបស់សហរដ្ឋអាមេរិកពីកិច្ចប្រជុំកំពូលនេះនិងជំហររបស់មេដឹកនាំនានារបស់អាស៊ាន។