ចៅ​ក្រម​តុលាការ​សហព័ន្ធ​ម្នាក់​បាន​កំណត់​ការ​ជំនុំ​ជម្រះ​ទោស​អតីត​ប្រធានាធិបតី​សហ​រដ្ឋ​អាមេរិក​លោក ​Donald Trump ​នៅ​ខែ​មីនា​ឆ្នាំ​ក្រោយ​លើ​បទ​ចោទ​ប្រកាន់​ពី​ការ​រៀបចំ​ផែនការ​ច្រាន​ចោល​លទ្ធផល​នៃ​ការ​បោះឆ្នោត​ប្រធានាធិបតី​ឆ្នាំ​ ២០២០។ ​ការ​ជំនុំ​ជម្រះ​ទោស​នេះ​នឹង​ធ្វើ​ឡើង​ចំពេល​ការ​ឃោសនា​បោះឆ្នោត​ប្រធានាធិបតី​ឆ្នាំ​ ២០២៤ ​ដែល​លោក ​Trump ​ជា​បេក្ខជន​នាំមុខ​ម្នាក់​ក្នុង​ចំណោម​បេក្ខជន​របស់​គណបក្ស​សាធារណ​រដ្ឋ។ ​អ្នក​ឆ្លើយឆ្លង​ព័ត៌មាន​ខាង​ការទូត​របស់ ​VOA អ្នក​ស្រី ​Cindy Saine ​រាយ​ការណ៍​អំពី​រឿង​នេះ។​ លោក ​ពិន ស៊ីសុវណ្ណ​ សូម​ជូន​សេចក្តី​ប្រែសម្រួល៕