ប្រធានាធិបតីសហរដ្ឋអាមេរិកលោក Donald Trump ធ្វើជាម្ចាស់ផ្ទះរៀបចំទទួលនាយករដ្ឋមន្ត្រីឥណ្ឌាលោក Narendra Modi នៅឯសេតវិមានកាលពីថ្ងៃព្រហស្បតិ៍ជាទីកន្លែងដែលពួកមន្ត្រីអាមេរិកនិយាយថាលោក នឹងស្វះស្វែងដើម្បីបង្កើនការលក់ប្រព័ន្ធការពារប្រទេសនិងថាមពលនិងបន្តពង្រឹងទំនាក់ទំនងរបស់រដ្ឋាភិបាលក្រុងវ៉ាស៊ីនតោនជាមួយឥណ្ឌាដែលជាប្រទេសមានប្រជាពលរដ្ឋច្រើនជាងគេបង្អស់នៅក្នុងពិភពលោកនៅពេលចិនបញ្ចេញសាច់ដុំរបស់ខ្លួននៅក្នុងតំបន់។
មន្ត្រីរដ្ឋបាលម្នាក់ដែលសុំមិនប្រាប់ឈ្មោះបាននិយាយថា«យើង នឹងមានគោលបំណងស្ថាបនាការលក់ប្រព័ន្ធការពារទៅឱ្យឥណ្ឌាដើម្បីធ្វើឱ្យប្រាកដថាពួកគេនឹងផ្តល់អាទិភាពលើការប្រើបច្ចេកវិទ្យារបស់អាមេរិក»។
លោកបាននិយាយទៀតថា«លោកប្រធានាធិបតីក៏បានផ្តោតលើការបញ្ចេញថាមពលអាមេរិកទៅឱ្យផ្នែកផ្សេងៗរបស់ពិភពលោកហើយនឹងចាត់ទុកឥណ្ឌាជាប្រទេសនាំចូលធនធានធម្មជាតិសំខាន់ៗរបស់សហរដ្ឋអាមេរិកដើម្បីផ្តល់ថាមពលដល់សេដ្ឋកិច្ចរបស់ពួកគេ។ មេដឹកនាំទាំង២ នឹងពិភាក្សាថាតើយើងអាចធ្វើឱ្យប្រសើឡើងនូវទំនាក់ទំនងពាណិជ្ជកម្មរបស់យើងដែលធ្វើឱ្យធ្លាក់ចុះឱនភាពពាណិជ្ជកម្មនិងធ្វើឱ្យប្រាកដថាការពង្រីកទំនាក់ទំនងពាណិជ្ជកម្មប្រកបដោយភាពត្រឹមត្រូវយ៉ាងដូចម្តេច»។
លោក Modi បាននិយាយនៅលើប្រព័ន្ធ X ថាលោក«រំពឹងនឹងជួបជាមួយលោកប្រធានាធិបតី Donald Trump និងស្ថាបនាដៃគូយុត្តិសាស្ត្រសាកលគ្រប់ជ្រុងជ្រោយរវាងឥណ្ឌានិងសហរដ្ឋអាមេរិក។ ប្រទេសរបស់យើង នឹងបន្តធ្វើការយ៉ាងជិតស្និទ្ធដើម្បីផលប្រយោជន៍របស់ប្រជាពលរដ្ឋយើងនិងដើម្បីអនាគតប្រសើរមួយសម្រាប់ផែនដីរបស់យើង»៕
វេទិកាបញ្ចេញមតិ