អង្គការសហប្រជាជាតិនឹងចាប់ផ្តើមចរចានៅថ្ងៃចន្ទលើសន្ធិសញ្ញាការតម្រូវឲ្យអនុវត្តទៅតាមផ្លូវច្បាប់ដើម្បីហាមឃាត់អាវុធនុយក្លែអ៊ែរ។
ការណ៍នេះកើតមានឡើងនៅពេលដែលសហរដ្ឋអាមេរិកចាប់ផ្តើមពិនិត្យមើលឡើងវិញនូវតួនាទីអ្វីដែលខ្លួនត្រូវមាននៅពេលឥឡូវនេះ។
លោក Michael Short ភូឈួយរងជាន់ខ្ពស់លេខាធិការព័ត៌មានរបស់សេតវិមានបានប្រាប់ VOA កាលពីថ្ងៃសុក្រម្សិលមិញថា៖ «ភ្លាមៗបន្ទាប់ពីចូលកាន់ដំណែង លោកប្រ ធានាធិបតី បានបញ្ជាឲ្យពិនិត្យមើលនុយក្លែអ៊ែរឡើងវិញដើម្បីធ្វើឲ្យប្រាកដថា ការ កំញើញនុយក្លែអ៊ែររបស់សហរដ្ឋអាមេរិកមានភាពទំនើប ខ្លាំងក្លា អាចបត់បែនបាន ភាពមិនទ្រត់ទ្រោម ប្រុងប្រៀបជាស្រេចនិងរៀបចំឡើងដ៏សមរម្យដើម្បីរារាំងការគំរាមកំហែងនូវសតវត្សរ៍ទី២១ហើយនឹងធ្វើឲ្យសម្ព័ន្ធមិត្តរបស់យើងជឿជាក់។ការសើរើពិនិត្យមើលឡើងវិញនេះកំពុងធ្វើឡើងហើយនឹងត្រូវដឹកនាំដោយលោករដ្ឋមន្រ្តីការពារប្រទេស»។
ប្រទេសទាំងអស់នៅជុំវិញពិភពលោកដែលចង់បានផែនដីគ្មានអាវុធនុយក្លែអ៊ែរទំនងជាមានការអាក់អន់ចិត្តជាមួយអង្គការសហប្រជាជាតិនិងសេតវិមាន។
លោក Steven Piferអតីតឧបការីរដ្ឋមន្រ្តីការបរទេសសហរដ្ឋអាមេរិកកិច្ចការអឺរ៉ុបនិង អឺរ៉ាស៊ីបាននិយាយថា៖ «ចំពោះខ្លួនខ្ញុំផ្ទាល់ ខ្ញុំគាំទ្រពិភពលោកគ្មានអាវុធនុយក្លែអ៊ែរ។ក៏ប៉ុន្តែ ខ្ញុំក៏នឹងសារភាពដែរថា វានឹងក្លាយជាការលំបាកបំផុតដើម្បីឲ្យទៅដល់ទៅនោះ»។
កាលពីឆ្នាំទៅរដ្ឋបាលរបស់លោកអូបាម៉ាបានលើកទឹកចិត្តយ៉ាងខ្លាំងឲ្យសម្ព័ន្ធមិត្តអង្គ ការអូតង់បោះឆ្នោតប្រឆាំងការចាប់ផ្តើមការចរចានៅឯអង្គការសហប្រជាជាតិដើម្បីប្រឈមការដោះស្រាយការហាមឃាត់ដែលនឹងរារាំងកិច្ចសហប្រតិបត្តិការដើម្បីឆ្លើយតបទៅនឹងការគំរាមកំហែងនុយក្លែអ៊ែរពីបច្ចាមិត្ត៕
