កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសនានាជុំវិញពិភពលោក ចាប់ពីប្រទេសនេប៉ាល់ រហូតដល់សហរដ្ឋអាមេរិក។
រូបភាពជុំវិញពិភពលោក ០៣ កញ្ញា ២០២០
១
ក្រុមបាតុករនេប៉ាល់ដែលជំទាស់នឹងវិធានការបិទប្រទេសដោយសារវីរុសកូរ៉ូណា ចូលរួមក្នុងពិធីសាសនា និងប៉ះទង្គិចជាមួយសមត្ថកិច្ចបង្ក្រាបបាតុកម្ម នៅទីក្រុង Lalitpur ប្រទេសនេប៉ាល់។
២
បុរសម្នាក់ដែលគេឃើញមិនមានពាក់ម៉ាស់នៅទីសាធារណៈនៅខណៈដែលមានការរាតត្បាតសាកលនៃជំងឺកូវីដ១៩ ត្រូវបានអាជ្ញាធរមូលដ្ឋានពិន័យឲ្យដេកក្នុងមឈូសសិប្បនិមិត្ត នៅទីក្រុងហ្សាការតា ប្រទេសឥណ្ឌូនេស៊ី។
៣
មនុស្សចូលរួមក្នុងការធ្វើបាតុកម្មប្រឆាំងរដ្ឋាភិបាល នៅទីក្រុងសូហ្វ៊ីយ៉ា ប្រទេសប៊ុលហ្គារី កាលពីថ្ងៃទី២ កញ្ញា ២០២០។
៤
ព្រះសង្ឃមកពីតំបន់ខ្ពង់រាបទីបេដែលកំពុងនិរទេសខ្លួន ធ្វើដំណើរជុំវិញនិវេសនដ្ឋាននៃមេដឹកនាំសាសនា គឺសម្ដេចសង្ឃ ដាឡៃ ឡាម៉ា នៅទីក្រុង Dharmsala ប្រទេសឥណ្ឌា។
៥
រថក្រោះ T-72 B3 មួយគ្រឿងដែលបញ្ជាដោយបុគ្គលិកម្នាក់នៃប្រទេសអ៊ូសបេគីស្ថាន បានធ្វើការបាញ់គ្រាប់ពិត ក្នុងពេលប្រលងប្រជែង Biathlon នៅឯការប្រកួតកីឡាយោធាអន្តរជាតិ ឆ្នាំ ២០២០ នៅទីក្រុង Alabino នៅខាងក្រៅទីក្រុងមូស្គូ ប្រទេសរុស្ស៊ី កាលពីថ្ងៃទី២ កញ្ញា ២០២០។
៦
ស្ត្រីមួយក្រុមសម្ដែងក្នុងពេលបាតុកម្មប្រឆាំងនឹងអំពើពុករលួយ និងកង្វះវិធានការសម្រាប់ជាការគោរពយេនឌ័រ នៅទីក្រុងប៉ាណាម៉ា ប្រទេសប៉ាណាម៉ា កាលពីថ្ងៃទី០២ កញ្ញា ២០២០។
៧
គ្រូបង្រៀនម្នាក់កំពុងបង្រៀនមេរៀន នៅក្នុងថ្នាក់រៀននៅកណ្ដាលវាល នៅខាងមុខសាលារដ្ឋឈ្មោះ Patrick F. Daly នៅស្រុក Brooklyn នៃបុរីញូវយ៉ក សហរដ្ឋអាមេរិក កាលពីថ្ងៃទី២ កញ្ញា ២០២០។
៨
ក្រុមអ្នកឡើងភ្នំ Alp កំពុងឆ្លងកាត់ផែនទឹកកក នៅលើភ្នំជួរភ្នំ Alp ក្នុងផ្នែកមួយដែលស្ថិតនៅភ្នំ Blanc នៅរមនីយដ្ឋាន Courmayeur ប្រទេសអ៊ីតាលី ។
៩
រូបចម្លាក់សត្វដាយណូស័រដែលបាក់បែកដោយសារតែព្យុះទីហ្វុង Maysak នៅកំពង់ផែមួយស្ថិតនៅតំបន់អាគ្នេយ៍នៃទីក្រុង Ulsan សាធារណរដ្ឋកូរ៉េ (រូបថតរបស់ទីភ្នាក់ងារ Yonhap)។
១០
អ្នកសម្ដែងម្នាក់ឈ្មោះ David Blaine កំពុងសំកាំងជាមួយនឹងឆ័ត្រយោង នៅក្រោមបណ្ដុំប៉ោងប៉ោង ក្នុងអំឡុងពេលហោះហើរគួរឲ្យស្ញប់ស្ញែងមួយក្នុងចម្ងាយរាប់រយហ្វីត នៅលើលំហអាកាស នៅរដ្ឋ Arizona កាលពីថ្ងៃទី២ កញ្ញា ២០២០ (រូបថតផ្ដល់ដោយលោក David Blaine)។