រូបភាពជុំវិញពិភពលោក៖ ២១ កញ្ញា ២០២២
ពីប្រទេសអ៊ុយក្រែន រុស្ស៊ី តួកគី អូស្រ្តាលី សហរដ្ឋអាមេរិក ម៉ិចស៊ិក ថៃ និងអាល្លឺម៉ង់៕
១
ពលរដ្ឋលក់បន្លែនៅខាងមុខផ្សារមួយដែលត្រូវបានបំផ្លាញនៅក្នុងក្រុង Balakliia ដែលកាលពីពេលថ្មីៗនេះត្រូវបានរំដោះចេញដោយកងកម្លាំងប្រដាប់អាវុធអ៊ុយក្រែន នៅតំបន់ Kharkiv ប្រទេសអ៊ុយក្រែន ។
២
ប៉ូលិសរុស្ស៊ីចាប់ខ្លួនបាតុករម្នាក់អំឡុងពេលបាតុកម្មដែលមិនត្រូវបានអនុញ្ញាតមួយ បន្ទាប់ពីសកម្មជនគណបក្សប្រឆាំងបានកោះហៅឲ្យមានបាតុកម្មតាមដងផ្លូវ ប្រឆាំងនឹងការកេណ្ឌទ័ពបម្រុង ក្រោមបញ្ជារបស់ប្រធានាធិបតីលោក Vladmir Putin ក្នុងក្រុងមូស្គូ ប្រទេសរុស្ស៊ី។
៣
អ្នកស្រី Nasibe Samsaei ជនជាតិអ៊ីរ៉ង់ម្នាក់រស់នៅក្នុងប្រទេសតួកគី បង្ហាញអារម្មណ៍របស់ខ្លួន បន្ទាប់ពីអ្នកស្រីបានកាត់សក់ខ្លួនឯង អំឡុងពេលការតវ៉ាមួយនៅខាងក្រៅស្ថានកុងស៊ុលអ៊ីរ៉ង់ ក្នុងក្រុងអ៊ីស្តង់ប៊ូល ប្រទេសតួកគី ក្រោយការស្លាប់របស់ស្រ្តីវ័យក្មេងម្នាក់ឈ្មោះ Mahsa Amini។ Mahsa Amini វ័យ ២២ ឆ្នាំ មកពីខេត្ត Kurdistan បានសន្លប់បាត់បង់ស្មារតី ហើយបានស្លាប់ក្រោយមក បន្ទាប់ពីត្រូវបានចាប់ខ្លួននៅក្រុងតេរ៉ង់ ប្រទេសអ៊ីរ៉ង់ កាលពីសប្តាហ៍មុន ពាក់ព័ន្ធនឹងគោលនយោបាយតម្រូវឲ្យពាក់ស្បៃគ្របក្បាលតឹងរ៉ឹងថ្មីមួយនៅប្រទេសនេះ។
៤
ត្រីបាឡែនជាច្រើនក្បាលជាប់គាំងនៅឆ្នេរ Ocean Beach តំបន់ Macquarie Harbor ភាគខាងលិចរដ្ឋ Tasmania ប្រទេសអូស្ត្រាលី។
៥
ប្រធានាធិបតីអ៊ីរ៉ង់លោក Ebrahim Raisi លើកបង្ហាញរូបថតឧត្តមសេនីយ៍លោក Qassem Soleimani ដែលត្រូវបានសម្លាប់ ខណៈលោកថ្លែងទៅកាន់មហាសន្និបាតអង្គការប្រជាជាតិនៅទីស្នាក់ការ អ.ស.ប នៅក្រុងញូវយ៉ក សហរដ្ឋអាមេរិក។
៦
អតីតប្រធានាធិបតីសហរដ្ឋអាមេរិកលោក Bill Clinton ថ្លែងទៅកាន់ប្រធានាធិបតីអ៊ុយក្រែនលោក Volodymyr Zelenskyy អំឡុងពេលកម្មវិធីស្តីពីគម្រោងផ្តួចផ្តើមសកល Clinton Global Initiative ក្នុងក្រុងញូវយ៉ក សហរដ្ឋអាមេរិក កាលពីថ្ងៃទី ២០ ខែកញ្ញា ឆ្នាំ ២០២២។
៧
ផ្ទាំងថ្មធ្លាក់មកបង្ខាំងផ្លូវមួយ ក្រោយពីមានគ្រោះរញ្ជួយដីនៅក្រុង Ojo de Agua រដ្ឋ Michoacan ប្រទេសម៉ិចស៊ិក កាលពីថ្ងៃទី ២០ ខែកញ្ញា ឆ្នាំ ២០២២។
៨
បក្សីទុំនៅក្នុងទ្រុងអំឡុងពេលកម្មវិធីប្រកួតផ្នែកសូរសព្ទបក្សីមួយនៅខេត្ត Narathiwat ភាគខាងត្បូងប្រទេសថៃ។ បក្សីប្រមាណ ១.៥០០ ក្បាល មកពីប្រទេសថៃ ម៉ាឡេស៊ី និងសិង្ហបុរី ត្រូវបានដាក់បញ្ចូលក្នុងកម្មវិធីប្រកួតមួយនេះ។
៩
ផ្សែងអព្ទហ៊ុមព័ទ្ធជុំវិញអគារនានានៅតំបន់ពាណិជ្ជកម្មក្នុងក្រុង Frankfurt ប្រទេសអាល្លឺម៉ង់ ជាមួយនឹងក្រុង Kronberg នៅខាងផ្នែកមុខរូបថត។